Rocha Estância
Vun Wikipedia
De Rocha Estância is en ollen Vulkansloot un een vun de hööchsten Bargen op dat Eiland Boa Vista in de Republiek Kap Verde.
De Barg liggt in’n Süüdoosten vun dat Eiland Boa Vista. Mit 354 m is dat de veerthööchste Barg op’t Eiland. An de westliche Bargflank liggt de Oort Povoaçao Velha, de in disse Steed as een vun de eersten Wahnsteden op dat Eiland grünnt weer, vun wegen dat se – schuult vun den hogen Barg un dat bultig Land – vun de Küst ut nich vun Piraten sehn warrn künn un dorüm sekerer weer vör de Angrepen un Plünneree.[1] Ruuchweg veer Kilometer wieter na Noorden to liggt de Pico Santo António, de mit 379 m de twwethööchste Barg op Boa Vista is.[1]
De Rocha Estância is en gewaltigen Felsblock, de vulkaansch entstahn is. Vun de Bargflanken gaht Schuttfächers ut vulkaansch Aschen bit in’t Daal. Op de Westsiet liggt in de Bargflank de Kark vun Povoaçao Velha mit den Naam Igreja Nossa Senhora da Conceição.
[ännern] Borns
- ↑ 1,0 1,1 Kapverdische Inseln, Dumont Reisetaschenbuch, 3. Oplaag, 2007, ISBN 978-3-7701-5968-0
Koordinaten:16° 3′ N, 22° 55′ O
