Petrografie

Vun Wikipedia

De Petrografie (ok Petrographie oder Steenkunn, na’t gr. ok Lithologie) is dat eerdwetenschoppliche Deelrebeet, dat sik mit de cheemsch, mineraloogsch un physikaalsch Tohopensetten un Egenschoppen vun de Stenen befaten deit. Deelrebeden dorvun sünd to’n Bispeel de Sedimentpetrografie un de Boddenphysik.

Afgrenzt vun de Petrografie is de Petrologie, de sik mit de geologoosch Billen vun de Stenen binnen de Eer, dör Sedimentatschoon oder tektonische Vörgäng ut’neensett. Dor warrt ut de Tohopensetten torüchslaten op dat Tostannenkamen.

Methoden to’n Ünnersöken sünd in de Petrografie de cheemsch Makro- un Mikroanalys un de mineralogische Proov vun Stenen. Vun Hülp sünd dorbi ok de Verfohren to’n Scheden vun Stoffen, dör de ünnerscheedlichen Mineraloorden in een Steen isoleert warrt. Dat warrt op mechaanschen oder cheemschen Weg maakt. Man ok de physikaalschen Grötten as Dicht, Hard usw. warrt ünnersocht. Dor översnitt sik dat mit de Petrophysik.

[ännern] Literatur

• Johann Reinhard Blum: Handbuch der Lithologie oder Gesteinlehre. Enke, Erlangen 1860 (Digitalisat)
• Hans Murawski: Geologisches Wörterbuch, Enke-Verlag Stuttgart 1977.