Naike Rivelli
Vun Wikipedia
Naike Rivelli (* 10. Oktober 1974 in München) is en italieensche Schauspelersche un Model.
Naike Rivelli is de Dochter vun de Schauspelersche Ornella Muti un den spaansch Produzenten Jose Luis Bermudez de Castro. Se hett an de Internatschonale School för Theater un Kino in Rom studeert. To den Film is se över ehr Utsehn kamen: Se un ehr Mudder seht sik liek un so is se in en poor Produkschonen tosamen mit ehr Mudder optreden. Rivelli hett en junge Fru speelt un ehr Mudder hett desülvige Fru speelt, as se oolt weer.
In't Johr 2002 hett se an de Siet vun Matthias Koeberlin in'n Film Das Jesus Video de Hööftrull vun Sharon speelt.
As Model hett se för Alviero Martini, Christian Dior, Cartier und Emporio Armani arbeidt.
Siet 2002 is se mit Manou Lubowski verheiradt, den se bi de Dreiarbeiten vun dat "Jesus Video" drapen hett. Ut en vörherige Leev hett se en Söhn Akash, de 1996 boren is.
Se is in München boren un ehr Mann is en Düütschen, aver sülvst snackt se meist keen Düütsch.
[ännern] Filmografie
- Die Reise des Capitan Fracassa (1990)
- Angelo nero (TV-Drama, 1997)
- Der Graf von Monte Christo (1998)
- "Film" (1998)
- The Unscarred (1999)
- Everybody Dies (2000)
- Antonia - Zwischen Liebe und Macht (2001)
- South Kensington (2001)
- Der Bestseller - Mord auf italienisch (2002)
- Das Jesus Video (2002)
- Espresso (2003)
- Le Clessidra (2005)
