Mneme (Maand)

Vun Wikipedia

Mneme (ok Jupiter XL) is en vun de ganz lütten Maanden vun’n Planet Jupiter. De is ok eerst teemlich laat opdeckt worrn, an’n 6. Februar 2003 neemlich vun en Koppel US-amerikaanschen Astronomen vun de University of Hawaii ünner dat Regeer vun Scott S. Sheppard. Nöömt is de Maand na de Muse Mneme ut de greekschen Mythologie. De vörlöpige Beteken vun den Maand weer S/2003 J 21.

[ännern] Ümloopbahn

De Maand Mneme kreist op en Ümloopbahn üm den Planeten mit en middleren Afstand vun 21.069.000 km. Dorför bruukt he üm un bi 620 Daag un 58 Minuuten. De Bahn hett en Exzentrizität von 0,2273 un is üm 148,635 ° gegen den Äquater vun den Jupiter neegt. Dormit is de Bewegen vun den Maand retrograad, dat bedüüdt, dat sik de Maand gegen den de Richt vun de Rotatschoon vun den Jupiter bewegen deit. De physikaalsch Egenschoppen vun de Bahn is wat liek as ok annere Maandbahnen. De Maanden warrt dorüm tohopenfaat to de Ananke-Grupp, nöömt na den gröttsten Maand vun de Grupp.

[ännern] Egenschoppen

Mit en middleren Dörmeter vun blots 2 km tellt Mneme to de ganz lütten Maanden. De Bavenflach wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand ok bannig düster. De Dicht warrt op ruchweg 2,6 g/cm³ schätzt. Dorut warrt vermodt, dat de Maand tomehrst ut Silikat-Steen opboot is. Ok dor is de Maand liek de annern ut de Ananke-Grupp.

[ännern] Bornen