Land Kehdingen

Vun Wikipedia

Kehdingen is dat Land an’e Süüdsiet vun’e Neddern Elv, vun Stood bet an dennen Hullen an de Münnen vun’e Oost.

Dat mehrste is Marschland, man höört ok ’n recht groot Deel Moorland to, dat Kehdinger Moor.

De Ünnerdelen von Nordkehdingen un Südkehdingen is all von ole Tieden her ween; tau wöör Noordkehdingen noch’n Insel.

Dat lütt’ Land hett ’n bewegte Geschicht: na de Markgrafen vun Stood un jemehr Arger mit de Wikingers tümmeln sik dor de Arzbischop vun Bremen, de Sweedschen, de Däänschen, de Hannöberschen Welpen, Napoleon un denn de Preussen. Man de Kehdingers leten sik ne so gau ünnerkriegen:

„§. 2. Ist demnach zu wissen/ daß die alten Kedinger Friesischer nation (…) und von den alten Sachsen herstammende (…) ihre Freyheit gleich anderen Friesen auffs äusserste verthädiget/ und so gar keines andern Oberhand oder Herrschafft haben leiden wollen/ daß sie nicht einmal das geistliche Joch ihres ordentlichen Landes=Herren ertragen könnten…“

Luneberg Mushard (Anno 1708)

Twüschendör harrn’s jümmer weller grote Störmfloten; in Sünnerheit de so benoomte „Wiehnachtsfloot vun 1717“ un de Februarfloot vun 1825. Opletzt güng 1962 dat Water över de Dieken.