Krüzer
Vun Wikipedia
Een Krüzer is een Orlogsschipp, wat alleen in de See "krüzt" un erkunden oder Handelsschipp opbringen deiht.
De eersten speziellen Schipp för disse Opgave geev dat int 19. Johrhunnert. Se harrn all Dampmaschinen, over ook noch Segels. Dat weern de Krüzerkorvettens, un uut denen wurrn de Panzerkrüzers, de all meist keen Segels mehr harrn.
Üm de Johrhunnertwend hem sick Lütte un Grote Krüzers entwickelt. Damols wurrn ook de oolen Vorderlader-Kanonens vun moderne Deckgeschütze aflöst. Lütte Krüzer harrn in Düütschland 2500-3500 t Deplacemang un kunn 21-23 Knotens loopen.
In'n 1. Weltkrieg wurrn se as Opklärers, Torpedobootafwehrers un Flaggschipp för de eignen Torpedobootverbänn' insett. Se harrn Dampturbinen un kunn all 27 Knotens loopen. Am Anfang vun de 20er Johr harrn Krüzers 6000 t Deplacemang un 8 15-cm-Kanonens in Twillingstürme. Bald geef dat ook Drillingstürm.
In dat Flottenabkomm' vun Washington wurr festlegt, wat Krüzers bis 15 cm Kanonkaliber Lichte un mit mehr wie 15,5 cm Schwere Krüzers sünd.
Nach de 2. Weltkrieg wurrn se bloots noch nach de Art vun de Bewaffnung inteilt. Hüüt gifft dat bloots noch wenig richtige Artilleriekrüzer, man veel Dwarsmeuhlenkrüzer un Raketenkrüzer.
