Erhard Wolfkühler
Vun Wikipedia
Erhard Wolfkühler (* 5. Juni 1943 in Assel) is en düütschen Politiker.
Wolfkühler is 1943 in Assel boren. He weer in Assel op Volksschool un denn in Drochters op Realschool. Na’n Afsluss op de Realschool hett he en Lehr as Groothannelskoopmann maakt. Na’n Kommiss dee he as koopmännschen Angestellten arbeiden. Op’n tweten Bildungsweg möök he sien Abitur un dee denn Bedrievsweertschop an de Fachhoochschool Kassel studeren. Nadat Studium weer he eerst Baas för Personal un Sozialet, later Geschäftsföhrer vun de Standoortentwicklungssellschop vun de VAW Aluminium in Stood.
Wolfkühler is siet 1981 in de SPD. He weer siet 1986 Raatsherr in de Gemeen Drochters un siet 1996 Vörsitter vun de SPD-Frakschoon. Vun 2001 af an weer he ok in’n Kreisdag vun’n Landkreis Stood. In’n Landdag vun Neddersassen deit he siet 1998 sitten. Mit de Landdagswahl 2008 in Neddersassen will he sien Amt aver opgeven un Petra Tiemann schall sien Nafolgekandidatin wesen.
He is verheiraadt un hett twee Kinner.
[ännern] Weblenken
- korte Biografie bi’n Landdag (hoochdüütsch)
