Elstar
Vun Wikipedia
Elstar (Malus domestica) ist de Naam vun en Appelsort, de 1955 in de Nedderlannen tücht worrn is un 1972 in’t Tuchtbook indragen weer.
De Muddersort vun’n Elstar is Golden Delicious, de Vaddersort is Ingrid-Marie. Üm un bi 1975 güng dat los, dat de Appel bekannt worrn is. Vundaag is he teemlich verbreedt.
Elstar is en aromaatschen un saftigen, fien-süerlichen Appel mit en witt-geel Fruchtfleesch. Vördeelhaft is de Sort vun de Büüt un ok, wat de Anfälligkeit gegen Krankheiten un Schadenmakers angeiht. Man, de Negen to Alternanz, also de wesselnde Fruchtbüüt in’n twee-Johres-Rhythmus, nich licht in’n Greep to kriegen is.
De Elstar is en vun de besten Appelsorten to’n Kokenbacken un för hoochweertigen Appelsaft. De Oorntiet is vun Anfang bit Enn September, an’n Köhllager hollt he sik bit Enn November, an’n CA-Lager bit ungefähr Enn März. Mit de Oorn is de Appel foorts riep to’n Geneet.
En Sünnerheit vun den Elstar is, dat sik dat Fruchtfleesch na’n Ansnitt nich bruun farvt as dat bi annere Appels is.
