Dringelborg

Vun Wikipedia

Wapen/Flagg	Koort
Basisdaten
Bundsland: Hessen Kreis: Landkreis Kassel
Flach:	69,35 km²
Inwahners:	5.549 (Dezember 2006)
Inwahnerdicht:	80 Inwahners pro km²
Hööch:	130 m över NN
Postleettall:	34388
Vörwahl:	05675
Geograafsche Laag:	Koordinaten:51° 21′ N, 9° 15′ O51° 21′ N, 9° 15′ O
Gemeenslötel:	06 6 33 025
Öörd in de Gemeen:	7
Börgermeester:	Bernhard Klug (SPD)
Websteed:	www.trendelburg.de

Dringelborg (hoochdüütsch Trendelburg) is ene lüttje Stadt in Noord-Hessen un liggt in den Landkreis Kassel.

Inholtsverteken 1 Wo de Stadt liggen deit 2 Nabers 3 Stadtdelen 4 Historie 5 Spraak 6 Politik 6.1 Versammeln vun de Stadtverordenten 7 Wat een sik ankieken kann un wo een mol henfohren kann 7.1 Bowarken 7.2 Naturdenkmalen 8 Verkehr 9 Bekannte Lüde ut Dringelborg 10 Weblinks

[ännern] Wo de Stadt liggen deit

Dringelborg liggt an de B 83 twuschen de Städer Geismar in’n Süden un Korlshoawen in’n Noorden.

[ännern] Nabers

In’n Noorden grenzt Dringelborg an de Städer Beverungen, de to’n Kreis Höxter in Noordrhien-Westfalen tohören deit un an de Stadt Korlshoawen. In Oosten stött se an de gemeendefree Gemark Gutsbezirk Reinhardswald un in’n Süden an de Stadt Geismar un an de Gemeende Lebenogge (all veer höört to den Landkreis Kassel to). In Westen hett se ehr Grenz na de Stadt Borgentreich in den Landkreis Höxter hen.

[ännern] Stadtdelen

• Deßel
• Äwerschütte
• Friedrichsfeld
• Chottsbüren
• Langendoahl
• Sielen
• Stammen
• Wülmersen

[ännern] Historie

Wenn en de lüttje Stadt ankieken deit, sütt he besunners de Borg Dringelborg. De liggt bi 70 m över dat Daal vun de Diemel up en Barg, de na dree Sieten hen piel dalfallen deit.

De Graaf Konrad III. vun Schönebarg (1249 - 1311) hett de Borg an dat 13. Johrhunnert boen laten. He wull dor över de Hannelswegen mit uppassen, de hier langslopen döen. To’n eersten Mol in en Urkunn to lesen is de Naam in dat Johr 1303. Later hett dat Bisdom Patterbuorn de Borg in’e Hannen kregen. De Bischop hett de Borg denn as Lehen an den Herren vun Stoghusen (Stockhusen) övergeven. De hefft de Borg denn as Amtssitt un as Tollstatschoon bruukt.

As de Stadt 1443 un 1456 afbrennt weer, hett de Borg dor wat bi afkregen. In’n Dartigjöhrigen Krieg is se in'n Dutt gahn. De Landgraaf Carl vun Hessen-Kassel hett denn in dat Johr 1676 de Borg wedder upboen laten as en Jagdslott. In den Sövenjöhrigen Krieg hefft för korte Tiet Franzosen in de Borg seten. Later is se denn as Forstamt bruukt wurrn un vun 1901 af an weer dat en Wohnhuus. Vun 1949 af an is se denn to en Hotel un Restaurant ümwannelt wurrn.

An’n 31. Dezember 1970 sünd de söben sülvstännigen Gemeenden Deßel, Chottsbüren, Äwerschütte, Sielen, Langendoahl, Stammen un Friedrichsfeld mit na Dringelborg tokamen. Vun dor af an sünd se denn bloß noch Stadtdelen vun Dringelborg ween.

[ännern] Spraak

Dringelborg höört to de Gemarken in Hessen up düsse Siet vun de Benrather Linie, wo an un for sik Plattdüütsch snackt wurrn is. Hüdigendags warrt tomeist Hoochdüütsch snackt.

[ännern] Politik

[ännern] Versammeln vun de Stadtverordenten

Bi de Kommunalwahl an’n 26. März 2006 is düt bi rutkamen:

Parteien un Wählergemeenschoppen		% 2006	Sitten 2006	% 2001	Sitten 2001
CDU	(Christlich Demokraatsche Union vun Düütschland)	22,7	7	28,3	9
SPD	(Sozialdemokraatsche Partei vun Düütschland)	52,7	16	46,0	14
WG	Wahlgemeenschop Dringelborg	24,6	8	22,3	7
Unafhängig	Unafhängig Demokraten	–	–	3,4	1
Tohopen		100,0	31	100,0	31
Mitmaakt hefft in %		54,9		63,7

[ännern] Wat een sik ankieken kann un wo een mol henfohren kann

[ännern] Bowarken

• De Evangeelsche Gemeendekark (vörmals St. Maria) is wull an dat Enne vun’t 13. Johrhunnert anfungen wurrn. Fardig wurrn is se denn in dat 14. Johrhunnert. 1443 un 1456 hett dat in de Stadt brennt, man se is achterher wedder torechtmaakt wurrn. 1889 is se ganz restaureert wurrn. Dat hannelt sik dor üm en Hallenkark mit dree Scheep bi. De Kark is dree Jück lang un hett en Chor, de liek afslaten is. In’n Noorden kaamt dor denn noch de Sakristei ut dat 15. Johrhunnert un de Toorn mit en Lantern vun 1789 mit to.

• De Borg Dringelborg warrt as Wohrteken vun de Stadt ankeken. Se steiht up de Stadt ehren hööchsten Punkt.

• De ole Oort üm de Dringelborg ümto hett en ganze Reeg Delenhüser ut Fackwark ut dat 17. un 18. Johrhunnert uptowiesen. Dat öllste Wohnhuus steiht in de Raathuusstraat 3. Vunwegen de Dendrochronologie is rutfunnen wurrn, dat düt Huus twuschen 1458 un 1459 boot wurrn is. 1599 is dat denn noch mol ümboot wurrn.

• De Dringelborger Mikwe is en Bad för den jöödschen Ritus. Dat is eerst in dat Johr 2001 wedder funnen wurrn, as dat Huus An’n Soot 9 ümboot weern scholl. Vun 2003 af an kann een dor över de Kamern vun dat Büro för den Frömdenverkehr hengahn un sik dat ankieken.

• Dat Raathuus is in dat late Middelöller woll in dat 15. Johrhunnert in Fackwark upstellt wurrn.

• De Slüse vun den Landgraaf-Carl-Kanal ut dat Johr 1713. Se is Deel vun den Kanal, den de Landgraaf vun Korlskoawen af an över de Diemel över Kassel bit na de Lahn boon laten wull. Düsse Kanal is avers nie nich fardig wurrn.

• De Diemelmöhl tohopen mit de Waterkunst. De beiden Bowarken sünd twüschen 1591 un 1626 boot wurrn. Jem ehr Upgaav weer, Drinkwater vun de Diemel na de 70 m hoge Stadt hooch to bringen.

• Dat Waterslott Wülmersen. Vun düt Landgoot weer to’n eersten Mol wat in dat Johr 1108 to hören. In de 1990er Johren is dat wedder herstellt wurrn. Dat liggt twuschen Dringelborg un Helmarshusen.

[ännern] Naturdenkmalen

• Reinhardswald
• Wolkenbrüche
• Äwerschüttsche Klippen

[ännern] Verkehr

Dör Dringelborg löppt de B 83 vun Höxter na Kassel hen dör.

[ännern] Bekannte Lüde ut Dringelborg

• Hans Gottfried von Stockhausen (* 12. Mai 1920), Glasmaler in Remshalden-Buoch bi Stuttgart.

[ännern] Weblinks

• Websteed vun de Stadt (hoochdüütsch)