Builefeld
Vun Wikipedia
Builefeld (hoochdüütsch: Bielefeld) is en Stadt in Westfalen in'n Nordossen vun Noordrhien-Westfalen. De Kreisfrie Stadt is de gröttste Stadt in de Region Ostwestfalen-Lippe. De Inwahnertahl vun Builefeld överschritt 1930 de 100.000-Grenz un makt de Stadt to en Grootstadt. Hüüt heurt se mit eer üm 329.000 Inwahners to de 20 gröttsten Städer vun Düütschland. Siet 1969 is Builefeld Universitätsstadt. Tosammen mit Hiarwede un Gütsel ward se to de Ballungsrebeden vun Düütschland teihlt.
[ännern] Geografie
Builefeld liggt an'n Foot vun den Osning vör den nördlichen Utgang vun de Bielefelder Pass. De högste Punkt in'n Stadtrebeet liggt in Lämershagen bi 320 m över Normalnull, de neernste Punkt liggt in Brake an de Aa (73 m). Dat Rathuus liggt op en Höög vun 113 m. De gröttste Utdehnen vun dat Stadtrebeet is vun Norden no Söden 19 km un vun Wessen no Oosten 21 km. Dor is keen grötteren Fluss in dat Stadtrebeet vun Bielefeld.
De ole Stadtkern liggt nördlich vun den Osning, direkt södlich slött sik de Industrie-Stadtbezirk Brackwede an, de to'n Deel in'n Builefeld Pass liggt. Hinner de Spaarnbuarch, in'n Osning un in'n Builefeld Pass liggt Gadderboom. De Osning is de Watersnaat. In ole Tiden hebben se de överen Deel vun de Bäke Lutter, de eggentliks inne Senne fleet, dör de nache Builefelder Siet umleggt.
Södlich vun Brackwede liggt en Reeg Stadtveedel, as Sennestadt oder Quelle. In ole Tiden hebben se de överen Deel vun de Bäke Lutter, de eegentlich in de Senne fleet, nach de Builefelder Siet umleggt. Nördlich vun de Stadtkern, ook an'n Foot von'n Osning, liggen de Böargerpark, de „Alm“ (Dat is de groote Footballweese vun den Vereen "Arminia".), un de Unversität.
Nördlich, östlich un westlich vun de ole Stadt liggt en Reeg Stadtveedel, as Schilske, Heepen oder Jüarmke (*). Bevor de Grünnung vunne Stadt de Dörpken Bilivelde lag inne Kerkspeel vun Heepen. Schilske liggt bi de Johannesbäke. Inne Tid vun Napoleon wor dor de snaat tween Frankriek in'n Norden un de Künningriek Westfalen.
Geografsch liggt Builefeld in dat Ravensbiärger Hüggelland, in'n Oosten riekt sien Stadtrebeet an de Snaat vun't Lippske Land un in'n Söden bis inne Senne.
(* Achtung, de Ravensbiärgers spreken J wie hoochdüütsch G, un G spreken se an'n Woartbeginn wie ch.)
[ännern] Builefeld-Verswöören
Mancheiner seggt, dat Builefeld üawerhaupt nich existieren daie. Oawer dat is nich richtig. Wer sick süms en Bild doavan maken will, kann dat deon. Huier könnt ji de Builefelder Homepage fuinen: http://www.bielefeld.de.
