Birgit Lemmermann
Vun Wikipedia
Birgit Lemmermann (* 1962 in Klethen bi Ohlers) is en plattdüütsche Schrieversche.
Lemmermann is 1962 in Klethen boren un dor ok opwussen. Later hett se in Buxthuud Abitur maakt un in Hessen studeert un weer vun 1991 af an Lehrerin an de Waldorfschool Ottersbarg. Nu arbeidt se as Kunst-, Sport- un Warklehrerin an dat Gymnasium Rodenborg, deit dor ok de Plattdüütsch-AG leiden. Lemmermann leevt nu bi Rodenborg an de Wümm, in Ünnerstedt. Mit dat Schrieven op Platt anfungen harr se, nadem 1992 ehr Söhn boren is. Se wull em Plattdüütsch optrecken, man dat geev kuum Böker för Kinner op Platt. Dorüm hett se sülvst anfungen, welke to schrieven, över Emil, den lütten Teddyboor. Lemmermann hett 2007 den Lüttjepütt-Pries för ehr Manuskript för dat Kinnerbook Ebbe un Hehn kregen. 2006 harr se bi Vertell doch mol den eersten Platz maakt. 2004 kreeg se bi’n Freudenthal-Pries den drüdden Platz un 2007 den tweten Platz.
Lemmermann is mit Carl-Heinz Dirks verheiraadt un hett een Söhn.
[ännern] Warken
- Ut’n Leven von Emil. 1994, ISBN 3-9801-388-4-4
- Ut de Kinnertiet von Emil. 1996, ISBN 3-9801-388-5-2
- Wenn de Sünn mööd slapen geiht ... 2000, ISBN 3-9807-132-8-8
- Ebbe un Hehn. 2007, ISBN 978-398-11290-1-4
[ännern] Weblenken
- Websteed vun Emil (plattdüütsch)
