Anke

Vun Wikipedia

Anke is een plattdüütschen Vörnaam för Deerns.

[ännern] Herkamen

Anke kümmt vun den düütschen Naam Anna. (Düsse Naam kann vun vörn un ok vun achtern liek lesen weern. Sowat heet denn Palindrom). De Naam Anna is de latiensche Form vun den hebreeschen Naamen Hannah. Hannah bedutt so veel, as De Gnaad kregen hett oder ok Up de Gott passen deit. Babenhen kann Anna ok vun den olen düütschen Jungsnaam Anno herkamen un is denn ümmuddelt för Deerns dör dat Enn -a.

[ännern] De plattdüütsche Naam

As dat bi plattdüütsche Naams ganz begäng weer, is de Naam Anna toeerst afkört wurrn in Ann. Dor is denn as Anbacksel (Suffix) to'n lüttjer maken (Diminutiv) de Form -ike rankamen (En anner Anbacksel is -tje, dorvun kummt denn de Naam Antje). So weer de Naam nu Annike oder Anneke. Dat is denn mit de Tiet noch afslepen wurrn to Anke. Anke bedutt also so veel as Lütt Anna.

Kiek ok nah bi de List vun plattdüütsche Vörnaams