Alkor (Steern)
Vun Wikipedia
Alkor is een lütten Steern un warrt ok „de lüttje Rieder“ nömmt. He steiht bi den Steern Mizar in dat Steernbild Groot Wagen.
[ännern] Astronomie
In de Wetenschup vun de Astronomie driggt he den Nomen „80 Ursae Maioris“. Vun de Eer is he 81 Lichtjohren wiet weg. De Noom „Alkor“ kümmt ut de araabsche Spraak un bedutt so veel as „een, de wegsmeten wurrn is/een, den nümms bruken konn“.
Alkor is een Steern vun de 5. Kategorie, wat siene Grötten angeiht. Wenn de Heben kloor is, kannst du em mit eegen Ogen sehn sunner Hülpsmiddel. Wenn du den Groten Wagen funnen hest, denn geihst du noh de Diessel vun den Wogen. De Steern in de Midden vun de Diessel, dat is de Mizar. Wenn du gode Ogen hest, denn so kannst du Alkor bi düssen Steern Mizar sitten sehn. Dat sütt so ut, as wenn Alkor un Mizar een Dubbelsteern weeren, man wenn du mit een Teleskop kieken deist, kannst du noch een Hümpel annere Steerns dormank sehn.
Koordinoten (Aquinoktium 2000.0)
Rektazension: 13h25m13.50s
Deklination: +54°59'17.0
