Мордовия Республикась

Википедиясь -нь пельде

Мордовия Республикась
Эрзянь ды Мокшонь Мастор
Республика Мордовия


Мордовия Республиканть коцтось	Мордовия Республиканть гербесь

Мордовия Республикась картасонть Россиянь Масторонть

Прявтош

Саран ош

Покшолмазо

- Весемикс
- % водн. пов.

72-це

26 200 вп²
0,1

Эрицятне

- Весемикс

- Плотностесь

62-це

малав. 856 833 лом. (2005)
малав. 32,7 лом./вп²

ПВП

- Весемикс, неень шкань питнесе
- Эрьва мель-ломаненьть ланкс

46,0 млрд. цел. (2006)
53,4 тёж. цел.

Федеральной кужо

Равчирева

Экономической буе

Масторонь кельть

рузонь, эрзянь, мокшонь

Республикань прявтось

Меркушкинень Николай

Автоардоманть кодось-тешкстесь

Часовой пояс

MSK (UTC+3, кизэсэ UTC+4)

Мордо́вия Респу́бликась (Э́рзянь ды Мо́кшонь Ма́сторось) — республика, Россия Масторонть вейкеть права марто субъект. Прявтошось — Саран ош.

[витнеме-петнеме] Географической аштема тарказо

Республикась ашти Чилисема-Европейскоень валаня тарканть лангсо чилисема ёнксонть, чивалгома ёнксось ашти Йока-Дононь валаня таркаванть, тараказо — 26,2 тёжат вайгельпеть. Республиканть сехте вере тарказо — 324 м.

Пелевеёно Мордовиясь шабрацек ашти Обран ёнкс марто, пелеве-чилисема ёнга — Ветькень Мастор марто, чипеле ёнга — Пенза ёнкс марто, чивалгомава — Эрязянь ёнксонть марто.

Мордовия Республикаванть чудить 114 лейть. Сехте юровт эйстест: Мокша Исса пряця леенть марто, Сивинь, Сатис, Вад ды Сура, Ратор, Инесаро, Рудня пряця лейтнень марто.

Истяжо Мордовиясо 500 эрькть, сехте покштнэ Инерка, Татарка.

[витнеме-петнеме] Икелень эрямо кевкстемась

1928 иень Медьковонь кемкотово чистэ, Куншка-Равонь ёнкстнень потмсо, теезь Эрзямокшонь округось (кужось). Эрзянь Мокшонь Масторось (Мордовиясь) чачсь 1930 иень якшамковонь 10 чистэ кода явозь ёнкс, мейле сон теевсь Эсь Азорксчи марто (Автономной) Масторокс. 1934 иень ацамковонь комсеце чистэ лемдязь — Мордовской Автономной Советской Социалистической Республикакс. 1990 иень ацамковонь сисемеце чистэ сон теезь — Мордовской Советской Социалистической Республикакс. 1994 иень якшамковонь комсьветееце чистэ неень шкас — Мордовия Республикась. Эрзянь ды Мокшонь Масторонь Конституциясь примазь 1995 иень таштамковонь комсьвейкееце чистэ Мордовия Республикань Конституциянь Промкссонть.

[витнеме-петнеме] Эрицятнеде

Мордовиясо неень шкасто эрить 876,1 тёжат ломанть. Мордовия Республикасо совить комськавтово велень буеть, вейке ошонь кужот ды кото буень кедь алов совиця ошт. Весемекс: 19 важодиця эрямот, ды 1 313 велеть.

Сех ламо эрицятне лововить православиянь христианокс. Теде башка ламо эрицятнеде каить пряст мусульманонь кемемантень (магометянонь). Алкуксонь эрзятне кемить Эрзянь Кемема юртненень, ды алтыть оймест Инешкипазнэнь. Икелень шкасто эрьва эрзя раськенть-буенть ульнесь эсензэ прявтозо — Чиряз, конань лангсо ульнесть буень Эрзянь Чиряз, весень сынст перть-перькава пурныль Эрзянь Инязор. Васенце Ине Инязорокс ульнесь Тюштя. Сондензэ мейле сехте содавикс Инязорокс ульнесть Пургаз, кона аштесь Эрзянь Масторонть кисэ XIII пингестэ. Инязоронть икеле кочкильть эрзянь Покш чистэ — Эрзянь Раськень Озксо. Неень шкань эрямосонть, кочкасть Эрзянь Инязоро Пиргуж.

[витнеме-петнеме] Масторонь прявт кельтне

Масторонь прявт келекс Мордовиясо лововить рузонь, эрзянь ды мокшонь кельтне.

2002 иестэ весе Россиянть келес эрицятнень ловноманть коряс эрзятнеде, мокшотнеде, каратайтнеде, тюрюханьтнеде ды шокшатнеде Россия Масторсо эрить малав 843350 ломаньть. Тиринь келенть содасызь эйстест 614260 ломанть, рузонь келенть содасызь 837534 ломанть. Эрзякс, 2002-це иень ловномасонть эрзякс пряст сёрмадызь 84407 ломанть, мокшокс - 49624. Кода невти ловномась (статистикась) эрзянь ды мокшонь эрицятнеде 1989 иестэ 2002 иес вишкиньгавтовсь 27%-с (1989 иестэ эрзятнеде ды мокшотнеде ульнесь 1 153 987 ломанть).

Васенцеде, наукань тевсэ эрзянь келень юронть ванькставтызе руз валтнэнь эйстэ эрзянь васенце профессор Рябовонь Анатолий Павлович .

[витнеме-петнеме] Эрьва мезде

Неень шкасто Мордовия ловови аграрно-индустриальной регионокс, течинь чис саезь сон ашти вейке рядсо виев ды покш Россиянь предприятиятнень ютксо. Мордовиясо нолдавить электроника, экскаваторт, резинотехнической изделият, медицинань препарат, валдонь приборт, вагонт ды пельвагонт. Покш вирень площадьтне аштить юрокс чувтонь перерабатывающей промышленностьсэнть. Республиканть велень хозяйствасо кастовить модамарть, сахор якстерькайть ды лия эмежт. Покш тарка истя жо саи кудонь ракшань кастомась ды сывелень миемась.

Республикасо улить пек мазы таркат, тесэ вастат тусто вирть, вирень степть, чеядавкст ды чуварт, лейть ды эрькть, поронь пандопрят ды раужо мода. Тесэ касыть тёжадо ламо куракшонь ды цецянь видт, эрить кавтосядто ламо нармунть ды малав котонькемень ракшат. Эсензэ мазычисэнзэ республикась мани иестэ иес седе ламо оймсицят. Мордовиясь ламо иеть содави эсензэ спортсменсэнзэ истямо видсэ, кода якамосо, стака атлетикасо, греко-римской бороцямосо, пауэрлифтингсэ ды спидвейсэ. 2004 иестэ васенцекс республикасо Михаил Мишин сайсь сиянь медаль Афинэнь Олимпиадасо. Неень чистэ республикасо 500 ламо эйкакшт бажить саемс соревнованиясо призовой таркат спортивной якамосо, ды эряви меремс, ули кинь кис кенярдомс. Денис Нижегородов ды Алексей Воеводин 2004 иестэ теевсть сиянь ды бронзовой призерокс Олимпиадасо Афинасо. Республикась ловови ламонацинальнойкс, тесэ эрить эрзят, мокшот, шокшат, рузт, печкаст ды лиять, весе сынь эрить паро мельсэ ды оймсэ. Мордоявиясо ламо тонавтнемань, культурань ды оймсемань учрежденият.

[витнеме-петнеме] Мордовиянь буетне

Мордовиянь буетне

Суоми-угрань масторт ды аулькедьалот

Мадьяронь Масторось •

Мордовия Масторось •

Удмуртонь Масторось •

Хантонь-Мансинь аулькедьало кужомасторось

Россия Масторонть Равчирева федерациянь кужось
Башкирия \| Ветькень Мастор \| Маринь Мастор \| Мордовия \| Печкасонь Мастор \| Удмуртия \| Пермень край \| Кировонь ёнкс \| Обранонь ёнкс \| Оренбургонь ёнкс \| Пенза ёнкс \| Самара ёнкс \| Саратов ёнкс \| Ульянонь ёнкс

v • d • e Россия Масторонть масторпелькстнэ
Республикат	Адыгея \| Алтай \| Башкирия \| Бурятия \| Ветькень \| Дагестан \| Ингушетия \| Кабардинэнь-Балкария \| Калмыкия \| Карачаевань-Черкесия \| Карелия \| Коми \| Маринь \| Мордовия \| Якутия \| Пелевеёнксонь Осетия \| Печкасонь \| Тува \| Удмуртия \| Хакасия \| Чеченэнь
Крайть	Алтаень \| Байкалонь томбале \| Иневедьвакссонь \| Камчатонь \| Краснодаронь \| Красноярскоень \| Пермень \| Ставрополень \| Хабаровонь
Ёнкст	Амуронь \| Архангелэнь \| Астраханонь \| Белгородонь \| Брянскоень \| Равошонь \| Вологдань \| Воронежень \| Ивановонь \| Иркутонь \| Калининградонь \| Калугань \| Кемеровонь \| Кировонь \| Костромань \| Курганонь \| Курскоень \| Ленинградонь \| Липецэнь \| Магаданонь \| Московонь \| Мурманонь \| Обранонь \| Одошонь \| Одсибирень \| Олодимерэнь \| Омскоень \| Оренбургонь \| Орёлонь \| Пензань \| Псковонь \| Ростовонь \| Самарань \| Саратовонь \| Сахалинэнь \| Свердловонь \| Смоленэнь \| Томбамонь \| Тверень \| Томскоень \| Тулань \| Тюменень \| Ульянонь \| Челябань \| Эрязянь \| Ярославонь
Прявтпутозь ошт	Москов ош \| Ине-Петрань ош
Аулькедьало ёнкс	Евреень
Аулькедьало кужомасторт	Ненецэнь \| Хантонь-Мансинь \| Чукотонь \| Ямалонь-Ненецэнь