Тайгер Вүдс
Чөлөөт нэвтэрхий толь, Википедиагаас
Тайгер Вүдс (Eldrick “Tiger” Woods, 1975 оны 12 сарын 30 - ) нь Америкийн Нэгдсэн Улсын Калифорни муж улсын Сайпресс хотод төрсөн мэргэжлийн гольфчин.
Агуулга |
[Засварлах] Томоохон тэмцээнүүдийн түрүү
- Мастерс: 4 удаа (1997, 2001, 2002, 2005)
- Америкийн нээлттэй тэмцээн: 3 удаа (2000, 2002, 2008)
- Английн нээлттэй тэмцээн: 3 удаа (2000, 2005, 2006)
- Америкийн мэргэжлийн гольфчдын аварга шалгаруулах тэмцээн: 4 удаа (1999, 2000, 2006, 2007)
[Засварлах] Намтар
- 1975 оны 12 сарын 30-нд АНУ-ын Калифорни муж улсын Сайпресс хотод төрсөн. Аав Эрл нь АНУ-ын армийн тусгай салаанд алба хааж байсан цэргийн хүн бөгөөд ээж Күлтида нь Тайланд үндэстэн.
- 9 сартай Тайгер хүүд аав нь гольф тоглохыг зааж өгчээ.
- 1991-1993 Бүх Америкийн өсвөр үеийн сонирхогчдын гольфын АШТ-д 3 дараалж түрүүлэв.
- 1992 "Ниссан Өүпэн" тэмцээнд оролцсоноор PGA цувралд оролцож эхлэв.
- 1994-1996 Бүх Америкийн сонирхогчдын гольфын АШТ-д 3 дараалж түрүүлэн, "Тайгер Трипл" гэж нэрлэгдэх болов.
- 1994 Стэнфорд Их Сургуульд элсэн оржээ.
- 1995 Мастерст анх удаа оролцож, урьдчилсан шатыг давав.
- 1996 Их сургуулиа 2-р курстээ орхиж, 8 сарын 27-нд мэргэжлийн гольфчин болсноо зарлав. 10 сардаа л гэхэд аль хэдийн 2 тэмцээнд түрүүлж, чансаагаа 33-р байр хүртэл ахиулав.
- 1997 оны 4 сарын 13. Түүхэнд хамгийн залуу буюу 21 нас 3 сартайдаа Мастерст түрүүлэв. Мөн оны 6 сард анх удаа Дэлхийн гольфчдын чансааг тэргүүлэв.
- 1999 оны 8 сарын 15. Америкийн мэргэжлийн гольфчдын аварга шалгаруулах тэмцээнд анх удаа түрүүлэв. Мөн оны 8 сарын сүүлчээс 2000 оны 2 сар хүртэл оролцсон PGA цувралын тэмцээнүүддээ 6 дараалан түрүүлэв.
- 2000 Нэг жилийн дотор Америкийн нээлттэй тэмцээн, Английн нээлттэй тэмцээн, Америкийн мэргэжлийн гольфчдын аварга шалгаруулах тэмцээн гэсэн гурван том тэмцээнд түрүүлж, 1953 онд Бен Хоганаас хойш 47 жилийн дараа агуу амжилт үзүүлэв. PGA цувралын 9 тэмцээнд түрүүлэн, олон газраас оны шилдэг тамирчны шагналыг хамав.
- 2004 он. 264 долоо хоногийн турш гольфчдыг чансаагаараа тэргүүлсэн амжилтыг нь 41 настай Вижай Сингх тасалдуулав. Мөн 10 сарын 5-нд Шведийн загвар өмсөгч Элин Нордегрентэй гэрлэв.
- 2005 он. 5 сард болсон "Байрон Нельсон Классик" тэмцээний урьдчилсан шатнаас хасагдаж, 142 тэмцээн дараалан урьдчилсан шатыг давсан дээд амжилт нь зогсов.
- 2006 оны 5 сарын 3-нд аав нь 74 насандаа нас нөгчив. 6 сард болсон Америкийн нээлттэй тэмцээний урьдчилсан шатнаас хасагдаж, мэргэжлийн гольфчин болсноосоо хойш Гранд слам цувралын 37 тэмцээн дараалан урьдилсан шатнаас шалгарсан дээд амжилт нь зогсчээ. 8 сарын 6-нд "Буйк Өүпэн"-д түрүүлснээр 30 нас 7 сартайдаа PGA цувралын 50 дахь түрүүгээ хүртэв.
- 2007 оны 6 сард ууган охин нь мэндэлжээ.
[Засварлах] Мөн үзэх
- Гольф
- Гранд Слам (Гольф)
- Найк
[Засварлах] Гадаад холбоос
- Тайгер Вүдсийн албан ёсны сайт
- Тайгер Вүдсийн шилдэг цохилтуудын бичлэг
- PGA дэх албан ёсны танилцуулга
[Засварлах] Ном хэвлэл
- Тайгер Вүдс "Би хэрхэн гольф тоглодог вэ?" гольфын сурах бичиг. (англи нэр нь "How I Play Golf")
- Жон Стрин "TIGER - A Biography of Tiger Woods" Вүдсийн 21 настайдаа Мастерс тэмцээний хамгийн залуу ялагч болох хүртэлх амьдралыг харуулсан ном.
