വിജയരാഘവന്
വിക്കിപീഡിയ, ഒരു സ്വതന്ത്ര വിജ്ഞാനകോശം.
മലയാളചലച്ചിത്ര, നാടക നടന്‍. നാടകാചാര്യന്‍ എന്‍.എന്‍. പിള്ളയുടെ മകന്‍. സ്വദേശം-കോട്ടയം ജില്ലയിലെ ഒളശ്ശ.
[തിരുത്തുക] പശ്ചാത്തലം
എന്‍.എന്‍. പിള്ളയുടെ വിശ്വകേരളാ കലാസമിതിയിലൂടെ ബാല്യത്തില്‍തന്നെ വിജയരാഘവന് നാടകരംഗത്ത് സജീവമായി. പിള്ളയുടെ കാപാലിക എന്ന നാടകം ക്രോസ്ബെല്‍റ്റ് മണിസിനിമയാക്കിയപ്പോള്‍ അതില്‍ പോര്‍ട്ടര്‍ കുഞ്ഞാലി എന്ന കഥാപാത്രത്തെ അവതരിപ്പിച്ചുകൊണ്ട് ആറാം വയസില്‍ സിനിമയില്‍ അരങ്ങേറ്റം കുറിച്ചു. 1982ല്‍ എസ് കൊന്നനാട് സംവിധാനം ചെയ്ത സുറുമയിട്ട കണ്ണുകള്‍ എന്ന ചിത്രത്തിലൂടെ 21ആം വയസില്‍ നായകനായി. ഈ ചിത്രം വിജയിച്ചില്ല.
തുടര്‍ന്ന് പി. ചന്ദ്രകുമാര്‍, വിശ്വംഭരന്‍ തുടങ്ങിയവരുടെ ചിത്രങ്ങളില്‍ അഭിനയിച്ചു. നാടകത്തിലും സജീവമായി തുടര്‍ന്നു. കാപാലികയുടെ സഹ സംവിധായകനായിരുന്ന ജോഷിയുമായുള്ള അടുപ്പം മൂലം ന്യൂദല്‍ഹിയില്‍ അവസരം ലഭിച്ചു. 1987ല്‍ നാടക രംഗം പൂര്‍ണമായി ഉപേക്ഷിച്ചു.
1993ല്‍ ഷാജി കൈലാസ് സംവിധാനം ചെയ്ത ഏകലവ്യന്‍ എന്ന ചിത്രത്തിലൂടെ ഏറെ ശ്രദ്ധേയനായി.1995ല്‍ പുറത്തിറങ്ങിയ കിംഗ് ആണ് ശ്രദ്ധേയമായ മറ്റൊരു ചിത്രം. 2000നു ശേഷം വിജയരാഘവന് കൂടുതല്‍ അവസരങ്ങള്‍ ലഭിച്ചു. കോട്ടയം ശൈലിയിലുള്ള വേറിട്ട സംഭാഷണമാണ് ഈ നടന്റെ പ്രത്യേകതകളിലൊന്ന്.
[തിരുത്തുക] കുടുംബം
ഭാര്യ-അനിത. മക്കള്‍-ജിനദേവന്‍, ദേവദേവന്‍
[തിരുത്തുക] പുറത്തേക്കുള്ള കണ്ണികള്‍
 |
ഈ ലേഖനം അപൂര്‍ണ്ണമാണ്. ഇതു പൂര്‍ത്തിയാക്കുവാന്‍ സഹകരിക്കുക. |
