വിക്കിപീഡിയ:മീഡിയ സഹായി
വിക്കിപീഡിയ, ഒരു സ്വതന്ത്ര വിജ്ഞാനകോശം.
വിക്കിപീഡിയയിലെ മീഡിയ ഫയലുകള്
വിക്കിപീഡിയയിലെ ചില ലേഖനങ്ങളില്‍ ഓഡിയോ, വീഡിയോ ഫയലുകള് ഉള്‍പ്പെടുത്താറുണ്ട്. അത്തരം ഫയലുകളെ എങ്ങനെ പ്ലേ ചെയ്യാം എന്ന് വിശദീകരിയ്ക്കുകയാണ് ഈ താളിന്റെ ഉദ്ദേശം
വിക്കിപീഡിയയിലെ മീഡിയ ഫയലുകള് എല്ലാം തന്നെ മിക്ക കമ്പ്യൂട്ടറുകളിലും പ്ലേ ചെയ്യാവുന്നതാണ്, പക്ഷേ അതിനുവേണ്ട പ്രത്യേക സോഫ്റ്റ്‌വെയറുകള്‍ നിങ്ങളുടെ കമ്പ്യൂട്ടറില്‍ ഉണ്ടാവണം എന്നുമാത്രം. താങ്കള്‍ മീഡിയ ഫയലുകളുടെ കണ്ണികളില്‍ ഞെക്കുമ്പോള്‍ നിങ്ങളുടെ കമ്പ്യൂട്ടര്‍ തന്നെത്താന്‍ ആ ഫയലുകളെ പ്രവര്‍ത്തിപ്പിക്കുന്നില്ലെങ്കില്‍, ഇന്റര്‍നെറ്റില്‍ നിന്നും കിട്ടുന്ന സ്വതന്ത്ര സോഫ്റ്റ്‌വെയറുകളെ ഉപയോഗിച്ച് അത് സാധിക്കാവുന്നതാണ്.
വിക്കിപീഡിയയിലുള്ള ശബ്ദഫയലുകള്‍ മിക്കാവാറും ഓഗ് വോര്‍ബിസ് ഫോര്‍മാറ്റിലും, അതേപോലെ വീഡിയോ ഫയലുകള് ഓഗ് തിയറ ഫോര്‍മാറ്റിലുമാണുള്ളത്. ഇവ സാധാരണയായി ഡിജിറ്റല്‍ ഓഡിയോയും വീഡിയോയും പ്രവര്‍ത്തിപ്പിക്കാന്‍ ഉപയോഗിച്ചുവരുന്ന MP3 യും MPEG ഉം പോലെ തന്നെയാണ്. ആകെയുള്ള വ്യത്യാസം ഈ ഓഗ് ഫോര്‍മാറ്റുകള്‍ പേറ്റന്റില്ലാത്തവയും, സ്വതന്ത്രവും, തുറന്ന സമീപനം പുലര്‍ത്തുന്നവയുമാണെന്നുള്ളതാണ്. പക്ഷേ മൈക്രോസോഫ്റ്റ് വിന്‍ഡോസ് ഓപ്പറേറ്റിംഗ് സിസ്റ്റം ഉപയോഗിക്കുന്ന കമ്പ്യൂട്ടറുകളില്‍ ഇവ സ്വയമേവ പ്രവര്‍ത്തിക്കുകയില്ല. അതിനാല്‍ ഇവ മൈക്രോസോഫ്റ്റ് വിന്‍ഡോസില്‍ പ്രവര്‍ത്തിക്കണമെങ്കില്‍ കൂടുതല്‍ സോഫ്റ്റ്‌വെയറുകള്‍ ആവശ്യമാണ്
സംഗീത ഫയലുകള് ചിലപ്പോള്‍ മിഡി ഫോര്‍മാറ്റിലും വരാറുണ്ട്.(.MID അല്ലെങ്കില്‍ .MIDI എക്സ്റ്റന്‍ഷനുകളില്‍). ഇന്നത്തെ കമ്പ്യൂട്ടറുകളില്‍ മിഡി ഫയലുകള് പ്രവര്‍ത്തിപ്പിക്കാന്‍ പുതിയ സോഫ്റ്റ്‌വെയറുകള്‍ സാധാരണ വേണ്ടിവരാറില്ല കാരണം ഇന്നത്തെ മിക്ക കമ്പ്യൂട്ടറുകലിലും സൗണ്ട് കാര്‍ഡും മിഡി പ്ലേയറും സാധാരണ കാണാറുണ്ട്.
വിക്കിപീഡിയയില്‍ ഉപയോഗിക്കാന്‍ പറ്റിയ വീഡിയോ ഓഡിയോ ഫയലുകള് എങ്ങനെ നിര്‍മ്മിക്കാം എന്നറിയാന്‍ വിക്കിപീഡിയ:മീഡിയ കാണുക.
