മന്നത്ത്‌ പത്മനാഭന്‍
വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളത്തിലെ സാമൂഹിക സാമുദായിക നവോദ്ധാനത്തില്‍ പ്രധാന പങ്കുവഹിച്ച വ്യക്തിയാണ് മന്നത്ത്‌ പത്മനാഭന്‍. നായര്‍ സര്‍വീസ്‌ സൊസൈറ്റിയുടെ സ്ഥാപകനാണ് ഇദ്ദേഹം. ഇദ്ദേഹത്തെ അന്നത്തെ രാഷ്ര്ടപതി ഭാരത കേസരി സ്ഥാനം നല്‍കി ആദരിച്ചിട്ടുണ്ട്. പത്മഭൂഷന്‍ പുരസ്കാരവും ലഭിച്ചിട്ടുണ്ട്.
[തിരുത്തുക] ജനനം, ബാല്യം, വിദ്യാഭ്യാസം
പെരുന്ന എന്ന സ്ഥലത്ത്‌ 1878 ജനുവരി മാസം രണ്ടാം തീയതിയാണ് ഇദ്ദേഹത്തിന്റെ ജനനം. അച്ഛന്‍ നിലവന ഇല്ലത്ത്‌ ഈശ്വരന്‍ നമ്പൂതിരി, അമ്മ ചീരമുറ്റത്ത്‌ പാര്‍വതി അമ്മ. വളരെ ചെറിയ പ്രായത്തില്‍ തന്നെ കോട്ടയം ജില്ലയിലെ ഒരു സര്‍ക്കാര്‍ സ്കൂളില്‍ അദ്ധ്യാപകനായി ജോലിക്ക് ചേര്‍ന്നു. സ്വപ്രയത്നത്താല്‍ 1905 ല്‍ അഭിഭാഷകനായി.
[തിരുത്തുക] വിവാഹം, കുടുബജീവിതം
1901 ല്‍ അദ്ദേഹം മെച്ചേട്ടു കല്യാണിയമ്മയെ വിവാഹം ചെയ്തു. 1912 ല്‍ അവര്‍ ആകസ്മികമായി മരണപ്പെട്ടു. പിന്നെ കുറച്ചു വര്‍ഷങ്ങള്‍ക്ക്‌ ശേഷം കവിയും എഴുത്തു കാരിയുമായിരുന്ന തോട്ടക്കാട്ട്‌ മാധവിയമ്മയെ വിവാഹം ചെയ്തു.
[തിരുത്തുക] പ്രവര്‍ത്തനങ്ങള്‍
മന്നത്ത്‌ പത്മനാഭന്റെ പ്രധാന പ്രവര്‍ത്തനങ്ങളും സാമൂഹ്യ സേവനങ്ങളുടെയും താഴെ കൊടുത്തിരിക്കുന്നു
- 1914- നായര്‍ ഭൃത്യ ജനസംഘം സ്ഥാപിച്ചു.
- 1925- നായര്‍ സര്‍വീസ്‌ സൊസൈറ്റി സ്ഥാപിച്ചു.
- 1929- ഗുരുവായൂര്‍ സത്യാഗ്രഹത്തിന്‌ നേതൃത്വം നല്‍കി.
- 1947- നാഷണല്‍ കോണ്‍ഗ്രസ്സില്‍ ചേര്‍ന്ന് അന്നത്തെ സര്‍ സി.പി ഭരണത്തിനെതിരെ സമരം ചെയ്തു.
- 1949- തിരുവിതാംകൂര്‍ ലെജിസ്ലേറ്റീവ്‌ അസംബ്ലിയില്‍ അംഗമായി.
- 1959- ഭാരത കേസരി സ്ഥാനം രാഷ്ട്രപതിയില്‍ നിന്നും നിന്നും ലഭിച്ചു.
- 1959- വിമോചന സമരത്തിന്‌ നെതൃത്വം നല്‍കി.
- 1966- പത്മഭൂഷന്‍ ലഭിച്ചു
 |
ഈ ലേഖനം അപൂര്‍ണ്ണമാണ്. ഇതു പൂര്‍ത്തിയാക്കുവാന്‍ സഹകരിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |
