ഫിലോമിന
വിക്കിപീഡിയ, ഒരു സ്വതന്ത്ര വിജ്ഞാനകോശം.
ജനനം: | 1926 തൃശൂര്, കേരളം |
---|---|
മരണം: | ജനുവരി, 2006 തൃശൂര് |
തൊഴില്: | സിനിമ നടി |
വരുമാനം: | വ്യക്തമല്ല |
അമ്മവേഷങ്ങളിലൂടെ ശ്രദ്ധേയയായ മലയാളം സിനിമാ നടിയാണ് ഫിലോമിന.
തൃശൂര് ജില്ലയിലെ മുള്ളൂര്ക്കര പുതിയവീട്ടില് ദേവസിയുടെയും മറിയയുടെയും മകളായ് 1926-ല് ജനനം. പി.ജെ ആന്റണിയുടെ നാടകങ്ങളിലൂടെ അഭിനയരംഗത്തെത്തിയവര്, 1964-ല് എം.കൃഷ്ണന് നായരുടെ കുട്ടിക്കുപ്പായം എന്ന ചിത്രത്തിലൂടെയാണ് മലയാള സിനിമയിലേക്ക് രംഗപ്രവേശനം നടത്തിയത്. എഴുന്നൂറ്റിയമ്പതോളം മലയാളം ചിത്രങ്ങളലിനഭിനയിച്ചു.
ഏറെയും അമ്മവേഷങ്ങളാണവര് ചെയ്തിട്ടുള്ളത്. നസീര്, സത്യന് എന്നീ മലയാള സിനിമാ നടന്മാരുടെ അമ്മയായി അഭിനയമാരംഭിച്ച ഫിലോമിന, നാല്പത്തഞ്ച് വര്ഷത്തോളം ചലച്ചിത്ര-ടെലിവിഷന് രംഗങ്ങളില് സജീവയായിരുന്നു.
ഗോഡ്ഫാദര് എന്ന ചിത്രത്തിലെ ആനപ്പാറ അച്ചാമ്മ, സസ്നേഹത്തിലെ അമ്മായിയമ്മ, വിയറ്റ്നാംകോളനിയിലെ ഉമ്മ എന്നിവ അവരുടെ എടുത്തു പറയാവുന്ന കഥാപാത്രങ്ങളില് ചിലതാണ്. ഓളവും തീരവും, കുട്ടിക്കുപ്പായം എന്നീ ചിത്രങ്ങളിലെ പ്രകടനത്തിന് സംസ്ഥാന അവാര്ഡ് നേടി.
എൺപതാമത്തെ വയസ്സില്, 2006 ജനുവരിയില് നിര്യാതയായി.