ജിമ്മി ജോര്ജ്ജ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളത്തില് നിന്നുള്ള പ്രശസ്ത വോളി ബാള് താരമായിരുന്നു ജിമ്മി ജോര്ജ്ജ് (മാര്ച്ച് 8, 1955 - നവംബര് 30, 1987). കണ്ണൂര് ജില്ലയിലെ പേരാവൂര് എന്ന ഗ്രാമത്തില് ജനിച്ച ജിമ്മി ജോര്ജ്ജ് ആയിരുന്നു ഇന്ത്യയില് നിന്നുള്ള ആദ്യത്തെ പ്രൊഫഷണല് വോളി ബാള് താരം. വോളി ബാളില് ലോകത്തിലെ 80-കളിലെ പത്തു മികച്ച അറ്റാക്കര്മാരില് ഒരാളായി ജിമ്മി ജോര്ജ്ജ് തിരഞ്ഞെടുക്കപ്പെട്ടു. ഇറ്റലിയില് ക്ലബ് വോളി ബാള് കളിച്ച ജിമ്മി ജോര്ജ്ജ് തന്റെ ജീവിതകാലത്തുതന്നെ ഒരു ഇതിഹാസമായി മാറി. ഒരു കാര് അപകടത്തില് ഇറ്റലിയില് വെച്ച് ജിമ്മി ജോര്ജ്ജ് 1987 നവംബര് 30-നു കൊല്ലപ്പെട്ടു.
[തിരുത്തുക] കുടുംബം
1955 മാര്ച്ച് 8-നു ജോര്ജ്ജ് ജോസഫിന്റെയും മേരി ജോര്ജ്ജിന്റെയും മകനായി ജിമ്മി ജോര്ജ്ജ് ജനിച്ചു. പിതാവായിരുന്നു ജിമ്മി ജോര്ജ്ജിനും സഹോദരന്മാര്ക്കും വോളി ബാളിന്റെ ആദ്യപാഠങ്ങള് പഠിപ്പിച്ചു കൊടുത്തത്. ജിമ്മി ജോര്ജ്ജിന്റെ മരണസമയത്ത് രണ്ടുമാസം ആയിരുന്നു പുത്രനായ ജോസഫ് ജോര്ജ്ജിന്റെ പ്രായം.
[തിരുത്തുക] പുരസ്കാരങ്ങള്
ഇന്ത്യയിലെ ഒരു സ്പോര്ട്ട്സ് താരത്തിനു ലഭിക്കുന്ന എല്ലാ പ്രധാന ബഹുമതികളും ജിമ്മി ജോര്ജ്ജിനു ലഭിച്ചു. അര്ജ്ജുന അവാര്ഡും ഇതില് ഉള്പ്പെടും. 21-ആം വയസ്സില് അര്ജ്ജുന അവാര്ഡ് നേടുമ്പോള് അര്ജ്ജുന അവാര്ഡ് ലഭിക്കുന്ന ഏറ്റവും പ്രായം കുറഞ്ഞ വോളി ബാള് താരമായിരുന്നു ജിമ്മി ജോര്ജ്ജ്.
- ജി.വി. രാജ അവാര്ഡ് (1975)
- കേരളത്തിലെ ഏറ്റവും മികച്ച സ്പോര്ട്ട്സ് താരത്തിനുള്ള മനോരമ അവാര്ഡ് (1976)
1979-82 കാലഘട്ടത്തില് അബുദാബി സ്പോര്ട്ട്സ് ക്ലബ്ബിനു വേണ്ടി കളിക്കുമ്പോള് ഗള്ഫിലെ ഏറ്റവും മികച്ച കളിക്കാരനായി അദ്ദേഹം തിരഞ്ഞെടുക്കപ്പെട്ടു. 1982 മുതല് 84 വരെയും 85 മുതല് 87 വരെയും ഇറ്റലിയിലെ പ്രൊഫഷണല് ക്ലബ്ബുകള്ക്കുവേണ്ടി ജിമ്മി ജോര്ജ്ജ് കളിച്ചു. ലോകത്തിലെ ഏറ്റവും മികച്ച അറ്റാക്കര്മാരില് ഒരാളായി ജിമ്മി ജോര്ജ്ജ് കരുതപ്പെട്ടു.