കുണ്ടന്‍
വിക്കിപീഡിയ, ഒരു സ്വതന്ത്ര വിജ്ഞാനകോശം.
കുണ്ടന്‍ എന്ന ഗ്രാമ്യപദത്തിന് വിവിധങ്ങളായ വിവക്ഷകളുണ്ട്. തമിഴില്‍ നിന്നാണ് ഈ പദത്തിന്റെ ഉദ്ഭവം. ചില സവിശേഷമായ ഭാഷണസമൂഹങ്ങള്‍ ഈ പദത്തിന് സഭ്യേതരമായ ഒരു അര്‍ത്ഥം കല്പിച്ചിരിക്കുന്നു. ചലച്ചിത്രം, സാഹിത്യം എന്നിവയിലൂടെ ഈ അര്‍ത്ഥം വ്യാപിക്കുകയും പൊതുവേ പദം സഭ്യേതരമെന്ന് പല ഭാഷണസമൂഹങ്ങളിലും ധാരണ ഉണ്ടാവുകയും ചെയ്തിരിട്ടുണ്ട്. സ്വവര്‍ഗ്ഗഭോഗത്തിനായി ഉപയോഗിക്കുന്ന ബാലനോ യുവാവോ ആണ് ഇത്തരം ഭാഷണസമുഹങ്ങളുടെ കണ്ണില്‍ കുണ്ടന്‍ എന്ന പദം കൊണ്ട് ഉദ്ദേശിക്കപ്പെടുന്നത്. പ്രമുഖ ഹാസസാഹിത്യകാരനായ വി.കെ.എന്‍ ഈ പദത്തെ മേല്‍പ്പറഞ്ഞ അര്‍ത്ഥത്തില്‍ വിവിധ കൃതികളില്‍ ഉപയോഗിച്ചത് ഈ അപഖ്യാതിക്ക് ഏറെ ഹേതുവായിട്ടുണ്ട് . (കുണ്ടന്‍മാരെ ഉപയോഗിക്കുന്നവരെ ഹാജ്യാര് എന്നും വി.കെ.എന്‍. വിശേഷിപ്പിക്കുന്നു.)[1] തമിഴില്‍ ഈ പദത്തിന് അടിമ എന്ന് അര്‍ത്ഥമുണ്ട്. തടിച്ചു കുള്ളനായ ആളെയും ഈ പദംകൊണ്ടു തമിഴില്‍ സൂചിപ്പിക്കുന്നു.[2] മലബാറിലെ ചില ഭാഗങ്ങളില്‍ ബാലന്മാരെ സ്നേഹത്തോടെ സംബോധന ചെയ്യാന്‍ ഈ പദം ഉപയോഗിക്കുന്നു[അവലംബം ചേര്‍ക്കേണ്ടതുണ്ട്]. സംസാരഭാഷയില്‍ ബാലന്മാരെയോ തരുണന്മാരെയോ സൂചിപ്പിക്കാന്‍ ഈ പദം മലബാറില്‍ വിവിധയിടങ്ങളില്‍ വ്യാപകമായി ഉപയോഗിക്കപ്പെടുന്നു.
[തിരുത്തുക] അനുബന്ധം
- ↑ വി.കെ.എന്റെ ഒട്ടേറെ കൃതികളില്‍ സ്വവര്‍ഭോഗം പരാമര്ശിക്കപ്പെടുന്നുണ്ട്. ഹാജ്യാര് എന്ന നോവലില്‍ സവിശേഷമായും ഇത് വിഷയീഭവിച്ചുള്ളതാണ്.
- ↑ തമിഴ് നിഘണ്ടു,സെന്റര്‍ ഫോര്‍ സൌത്ത് ഏഷ്യാ ലൈബ്രറീസ്, ഷിക്കാഗോ സര്‍വ്വകലാശാല. Retrieved on 2007-01-03.
 |
ഈ ലേഖനം അപൂര്‍ണ്ണമാണ്. ഇതു പൂര്‍ത്തിയാക്കുവാന്‍ സഹകരിക്കുക. |
