ഔറംഗസേബ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
| ഔറംഗസേബ് | |
| അല്‍ സുല്‍ത്താന്‍ അല്‍ ആസം വാല്‍ ഖഖ്വാന്‍ അല്‍ മുകറാം അബ്ദുള്‍ മുസാഫ്ഫര്‍ മുഹിയുദ്ദീന്‍ മുഹമ്മദ് ഔറംഗസേബ് ബഹാദൂര്‍ ആലംഗീര്‍ I, ബാദ്ഷാ ഗാസി | |
 |
|
| Reign | 1658 - 1707 |
|---|---|
| Full name | അബു മുസാഫ്ഫര്‍ മുഹിയുദ്ദീന്‍ മുഹമ്മദ് ഔറംഗസേബ് ആലംഗീര്‍ |
| Born | 1618 നവംബര്‍ 3 |
| Birthplace | ദഹോദ് |
| Died | മാര്‍ച്ച് 03 1707 (aged 88) |
| Place of death | അഹ്മദ് നഗര്‍ |
| Buried | Valley of Saints |
| Predecessor | ഷാ ജഹാന്‍ |
| Successor | ബഹാദൂര്‍ ഷാ ഒന്നാമന്‍ |
| Wives | നവാബ് രാജ് ഭായ് ബീഗം ദില്‍‌രാസ് ബാനോ ബീഗം ഹീരാഭായ് സൈനബാദി മഹല്‍ ഔറംഗബാദി മഹല്‍ ഉദൈപൂരി മഹല്‍ |
| Issue | (w. Dilras Bano Begam) Zeb-un-Nissa, Zinat-un-Nissa, Muhammad Azam Shah, Mehr-un-Nissa, Muhammad Akbar, (w. Nawab Raj Bai Begum) Sultan Muhammad, Bahadur Shah I, Badr-un-Nissa, (w. Aurangabadi Mahal) Zabdat-un-Nissa, (w. Udaipuri Mahal) Muhammad Kam Baksh, |
| Dynasty | തിമൂറിദ് |
| Father | ഷാ ജഹാന്‍ |
| Mother | മുംതാജ് മഹല്‍ |
ആറാമത്തെ മുഗള്‍ ചക്രവര്‍ത്തിയാണ്‌ ഔറംഗസേബ് (പേര്‍ഷ്യന്‍: اورنگزیب )(യഥാര്‍ത്ഥ പേര്‌:അബു മുസാഫ്ഫര്‍ മുഹിയുദ്ദീന്‍ മുഹമ്മദ് ഔറംഗസേബ് ആലംഗീര്‍)(സ്ഥാനപ്പേര്‌:അല്‍ സുല്‍ത്താന്‍ അല്‍ ആസം വാല്‍ ഖഖ്വാന്‍ അല്‍ മുകറാം അബ്ദുള്‍ മുസാഫ്ഫര്‍ മുഹിയുദ്ദീന്‍ മുഹമ്മദ് ഔറംഗസേബ് ബഹാദൂര്‍ ആലംഗീര്‍ I, ബാദ്ഷാ ഗാസി) (ജീവിതകാലം: 1618 നവംബര്‍ 3 - 1707 മാര്‍ച്ച് 3). 1658 മുതല്‍ അദ്ദേഹത്തിന്റെ മരണം വരെ മുഗള്‍ സാമ്രാജ്യത്തിന്റെ ചക്രവര്‍ത്തിയായിരുന്നു. ബാബര്‍, ഹുമയൂണ്‍, അക്ബര്‍, ജഹാംഗീര്‍, ഷാ ജഹാന്‍ എന്നിവരാണ്‌ ഔറംഗസേബിന്റെ മുന്‍‌ഗാമികള്‍.
ഉള്ളടക്കം |
[തിരുത്തുക] അധികാരത്തിലേക്ക്
പിതാവായ ചക്രവര്‍ത്തി ഷാ ജഹാനില്‍ നിന്ന് അധികാരം പിടിച്ചെടുത്താണ്‌ ഔറംഗസേബ് അധികാരത്തിലേറിയത്. ഈ അട്ടിമറിയില്‍ ദാരാ ഷുക്കൊഹ് അടക്കമുള്ള തന്റെ മൂന്നു സഹോദരങ്ങളേയും ഔറംഗസേബ് വകവരുത്തി. ഷാ ജഹാനെ ആഗ്രയിലെ കോട്ടയില്‍ ശിഷ്ടകാലം മുഴുവന്‍ തടവിലാക്കി[1].
[തിരുത്തുക] സൈനികനീക്കങ്ങള്‍
ഔറംഗസേബിന്റെ കാലത്ത് 1663-ല്‍ വടക്കു കിഴക്കുള്ള അഹോമുകളെ പരാജയപ്പെടുത്തിയെങ്കിലും 1680-ല്‍ അവര്‍ ശക്തിപ്രാപിച്ച് തിരിച്ചടിച്ചു. വടക്ക് പടിഞ്ഞാറ് യൂസഫ് സായ്ക്കും സിഖുകള്‍ക്കുമെതിരെയുള്ള ആക്രമണങ്ങള്‍ താല്‍ക്കാലികമായി ഫലം കണ്ടു[1] മാര്‍‌വാഡിലെ രാത്തോഡ് രജപുത്രരുടെ ആന്തരിക രാഷ്ട്രീയകാര്യങ്ങളിലും പിന്തുടര്‍ച്ചാവകാളങ്ങളിലും മുഗളരുടെ ഇടപെടല്‍ അവരെ മുഗളര്‍ക്കെതിരെത്തിരിച്ചു[1].
മറാഠ നേതാവ് ശിവജിക്കെതിരെയുള്ള നീക്കങ്ങള്‍ ആദ്യം വിജയം കണ്ടു. സഖ്യസംഭാഷണത്തിനു വന്ന ശിവജിയെ ഔറംഗസേബ് ആഗ്ര കോട്ടയില്‍ തടവിലാക്കി. തടവറയില്‍ നിന്നും രക്ഷപ്പെട്ട ശിവജി സ്വാതന്ത്ര്യം പ്രഖ്യാപിച്ച് മുഗളര്‍ക്കെതിരെയുള്ള പോരാട്ടം തുടര്‍ന്നു[1].
രാജകുമാരന്‍ അക്ബര്‍ ഔറംഗസേബിനെതിരെ തിരിയുകയും അതിന്‌ മറാഠയില്‍ നിന്നും ഡെക്കാന്‍ സുല്‍ത്താനേറ്റില്‍ നിന്നും പിന്തുണ ലഭിക്കുകയും ചെയ്തു. ഒടുവില്‍ ഔറംഗസേബിന്‌ ഇറാനിലെ സഫാവിദുകളോടെ സഹായം തേടേണ്ടി വന്നു[1]. അക്ബറുടെ ഈ നടപടിക്കു ശേഷം ഔറംഗസേബ് ഡെക്കാന്‍ സുല്‍ത്താനേറ്റിലേക്ക് സൈന്യത്തെ അയച്ചു. 1685-ല്‍ ബീജാപ്പൂരും, 1687-ല്‍ ഗോല്‍ക്കൊണ്ടയും പിടിച്ചടക്കി. 1698 മുതല്‍ ഔറംഗസേബ് നേരിട്ടായിരുന്നു ഡെക്കാനില്‍ ഗറില്ലാ മുറയില്‍ ആക്രമണം നടത്തിയിരുന്ന മറാഠകള്‍ക്കെതിരെ പടനയിച്ചിരുന്നത്[1].
ഉത്തരേന്ത്യയില്‍ സിഖുകള്‍, ജാട്ടുകള്‍, സത്നാമികള്‍ എന്നിവരില്‍ നിന്നും വടക്കു കിഴക്ക് അഹോമുകളില്‍ നിന്നും എതിര്‍പ്പുകള്‍ നേരിടേണ്ടി വന്നു.
[തിരുത്തുക] അന്ത്യം
ഔറംഗസേബിന്റെ മരണം അദ്ദേഹത്തിന്റെ പുത്രന്മാര്‍ തമ്മിലുള്ള അവകാശത്തര്‍ക്കത്തില്‍ കലാശിച്ചു.
[തിരുത്തുക] ആധാരസൂചിക
- ↑ 1.0 1.1 1.2 1.3 1.4 1.5 Social Science, Our Pasts-II, NCERT Text Book in History for Class VII, Chapter 4, The Mughal Empire, Page 45-59, ISBN 817450724
 |
ഈ ലേഖനം അപൂര്‍ണ്ണമാണ്. ഇതു പൂര്‍ത്തിയാക്കുവാന്‍ സഹകരിക്കുക. |
