DOCSIS

Од Википедија, слободна енциклопедија

Data Over Cable Service Interface Specification (DOCSIS) е меѓународен стандард развиен од страна на CableLabs заедно со следниве компании: ARRIS, BigBand Networks, Broadcom, Cisco, Conexant, Correlant, Intel, Motorola, Netgear, Terayon, и Texas Instruments. DOCSIS го дефинира интерфејсот за комуникација и останатите операции за пренос на податоци низ кабловски систем. На овој начин имаме пренос на податоци со големи брзини низ веќе постоечки кабловски системи (Cable TV (CATV)). Овој стандард се применува од страна на многу кабловски оператори кои обезбедуваат Интернет пристап низ нивната постоечка инфраструктура (хибриден систем на оптички и коаксијални кабли). Првата DOCSIS спецификација 1.1 се појавува во Април 1999 година. Поради зголемената потреба од симетрични сервиси во реално време, како што е IP телефонијата, DOCSIS стандардот во Декември 2001 се проширува на DOCSIS 2.0. Последната верзија на овој стандард DOCSIS 3.0 објавена во Август 2006 година, обезбедува подршка за Интернет Протокол верзија 6 (IPv6).

Бидејќи постојат разлики помеѓу Европските и Американските CATV системи, DOCSIS стандардите се модифицирани со цел да бидат применливи во Европа. Овие модификации се објавени под името "EuroDOCSIS". Главната разлика е тоа што Европските кабловски канали се базираат на PAL TV стандардите на фреквенција од 8 MHz, додека Американските кабловски канали се базираат на NTSC стандардите на фреквенција од 6 MHz. Повисокиот фреквентен опсег во EuroDOCSIS архитектурата дозволува поголем опсег да може да се алоцира за пренос на податоци (гледано од гледна точка на клиентите, "downstream" се користи за симнување на податоци додека "upstream" за качување на податоци).

Во Јапонија имаме други варијации на DOCSIS.

Меѓународната организација International Telecommunications Union Telecommunications Standardization Sector (ITU-T) ги усвои двете верзии на DOCSIS како меѓународни стандарди. DOCSIS 1.1 беше ратификувана како ITU-T Препорака J.112 Додаток B; соодветно, DOCSIS 2.0 беше ратификувана како ITU-T Препорака J.122. DOCSIS 2.0/J.122 е вертикално компатибилен со DOCSIS 1.1/J.112 Додаток B.

Забелешка: Додека ITU-T Препорака J.112 Додаток B соодветствува со DOCSIS/EuroDOCSIS 1.1. Додатокот A го опишува претходниот Европски кабловски систем ("DVB EuroModem") кој се заснива на ATM стандардите за трансмисија. Додатокот C ги опишува варијантите на DOCSIS 1.1 кои се дизајнирани за Јапонскиот кабловски систем. ITU-T Препорака J.122 соодветствува на DOCSIS 2.0, J.122 Додаток F соодветствува на EuroDOCSIS 2.0, а J.122 Додаток J се однесува на Јапонската варијанта на DOCSIS 2.0 (аналогна на Додатокот C од J.112).

[уреди] Опрема

DOCSIS архитектурата вклучува два главни елемента: кабловски модем (КМ) поставен на страната на корисникот и терминален систем за кабловски модем (ТСКМ) поставен кај кабловскиот оператор.

ТСКМ е уред кој ги хостира downstream и upstream портите (функционално е сличен на дигитален мултиплексер (DSLAM)). За дуплекс комуникација помеѓу ТСКМ и КМ потребни се две физички порти (за разлика од Ethernet, каде една порта обезбедува дуплекс комуникација). Поради постоење на повратни шумови има повеќе upstream порти отколку downstream порти.

За да може некој кабловски оператор да работи со DOCSIS 1.1 и погоре, тој мора да направи надградба на неговата Хибридна оптичко коаксијална мрежа (ХОК) за да може да подржи upstream сообраќај. Без оваа надградба, стариот DOCSIS 1.0 стандард допушта пренос на податоци низ кабловскиот систем, но со имплементација на upstream преку телефонска линија, т.е. преку "plain old telephone service" (POTS). Ако ХОК веќе е двонасочна или интерактивна, шансите за имплементација на DOCSIS 1.1 стандардот или некоја повисока верзија на стандардот се повисоки.

Персоналниот компјутер на корисникот и соодветните периферни уреди се треминирани, т.е. поврзани на кабелски модем, кој пак е поврзан преку ХОК мрежата со ТСКМ кај кабловскиот оператор. ТСКМ потоа врши рутирање на сообраќајот помешу ХОК мрежата и Internet. Со користење на ТСКМ, кабелскиот оператор (или Оператори на Повеќе Сервиси - ОПС) може да практикува целосна контрола врз мрежата. Конфигурацихата на KM може да се менува со цел да се задоволат различните потреби на корисниците или условите на мрежата.

[уреди] Надворешни врски

• CableLabs
• Excentis
• Се што треба да знаете за Next-gen Broadband
• docsis.org
• VECTOR
• DOCSIS Project docsis е мал програм кој може да се користи за генерирање на бинарни конфигурациски датотеки за DOCSIS компатибилни кабловски модеми.
• Cisco documentation on Cable Technologies Технички информации за Кабловска ТВ и DOCSIS.