Претседател на Собранието на Република Македонија

Од Википедија, слободна енциклопедија

Претседателот на Собрание на Република Македонија е главниот раководител на Собранието на Република Македонија.

Претседателот се избира од редот на пратениците со мнозинство гласови од вкупниот број пратеници (61 пратеник). Мандатот на претседателот трае четири години.

Претседателот на Собранието го претставува Собранието, ги свикува седниците на Собранието и раководи со нив, се грижи за примена на Деловникот на Собранието, ги потпишува указите за прогласување на законите и врши други работи утврдени со Уставот на Република Македонија и со Деловникот на Собранието.

Моментален претседател на Собранието на Република Македонија е Љубиша Георгиевски.

Содржина

1 Потпретседатели
2 Претходни претседатели на Собранието на Република Македонија
- 2.1 Од осамостојувањето
- 2.2 Пред осамостојувањето
3 Извори

[уреди] Потпретседатели

Потпретседателите на Собранието му помагаат на претседателот на Собранието во вршењето на неговата функција и го заменуваат во случај на одсутност или спреченост. Потпретседателите на Собранието се избираат од редот на пратениците и нивниот мандат трае четири години.

Моментални потпретседатели на Собранието се Благој Зашов и Бесим Догани.