Мичиген (езеро)

Од Википедија, слободна енциклопедија

За сојузната американска држава видете Мичиген.

Мичиген е едно од петте Големи езера на Северна Америка, и е единственото од групата кое целосно им припаѓа на САД. Одејќи по стрелките на часовникот од југ, тоа се граничи со американските сојузни држави Индијана, Илиноис, Висконсин и Мичиген. Зборот "Мичиген" првобитно се користел за да се означи самото езеро и се верува дека доаѓа од Оџибва индијанскиот збор mishigami, што значи "голема вода".

[уреди] Географија

Езерото Мичиген (43°30'N, 87°30'W) има површина од 57,750 km², правејќи го најголемото слатководно езеро во САД, најголемото езеро кое целосно и припаѓа на една земја и петтото најголемо езеро во светот. Долго е 494 km, широко 190 km со брегова линија од 2,633 km должина. Просечната длабочина на езерото е 85 m, додека неговата најголема длабочина е 282 m. Тоа се состои од 4,918 km³ вода. Се наоѓа на надморска висина од 176 m, исто како и езерото Хјурон, со кое е поврзано со протокот Мекинак.

[уреди] Поголеми градови

Околу 12 милиони луѓе живеат покрај бреговите на езерото Мичиген. Многу мали градови во Северен Мичиген се центрирани околу туристичка база која има корист од убавината и рекреациските можности кои ги нуди ова езеро. Овие градови имаат големо сезонско население кое пристигнува од Чикаго и внатрешните градови во Јужен Мичиген. Најјужната точка на езерото е многу индустријализирана. Градови на брегот на Мичиген со население поголемо од 30,000 се:

Илиноис Чикаго Еванстон Хајланд Парк Северен Чикаго Ваукеган

Индијана Источен Чикаго Гери Хамонд Мичиген Сити Портаж

Мичиген Холандија Мјускегон

Висконсин Грин Беј Кеноша Манитовок Милвоки Расин Шибојган