Метан

Од Википедија, слободна енциклопедија

Најпростиот јаглеводород - метан е гас (при стандардни услови) со хемиска формула CH₄. Чистиот метан е без мирис, но во комерцијалната употреба тој се меша со мали количини на мириси, како што е сулфурното соединение етил меркаптан за да се детектираат шуплини во одредени материјали.

Како главна состојка на природниот гас, метанот е значајно гориво. Со согорувањето на еден молекул на метан во присуство на кислород се ослободува еден молекул на јаглерод диоксид и две молекули на H₂O (вода):

CH₄ + 2O₂ → CO₂ + 2H₂O

Метанот е гас кој учествува во феноменот на стаклена градина. За преку 100 години, тој има глобален затоплувачки потенцијал 23 (IPCC Third Assessment Report), т.е. преку 100 години секој kg од CH₄ ја загрева Земјата 23 пати како истата маса на CO₂.

Земјината мантија содржи големи количества на метан и е негов главен резервоар. Големи количини на метан се емитуваат во атмосферата преку вулканите кои се поврзани со подлабоките слоеви на Земјата или се создаваат по пат на анаеробното дишење (биогас).

Метанот има голема вредност на термодинамичката стабилност. На собна температура и притисок тој е безбоен, безмирисен гас. Има точка на вриење −162°C на притисок од 1 атмосфера и е запалив.