Orenburg
Da Wikipedia.
Cheest artícul al è scrivüü in koiné uçidentala, urtugrafía ünificada. |
La citaa de Orenburg la sa tröva in dela part urientaal dela Rüssia eurupea, in sül fiümm Ural, a 154 meter in sül livèll del maar. La sò pupulazziun, al censimeent del 2002, l'era de 549.361 abitaant. La citaa l'è la capitaal de la pruvincja ca da lé la cjapa ul nòmm.
La sò stòria l'è curiusa: i rüss s'eren metüü in del cuu de fundà una furtèzza in dela regjun de l'Ural, e s'inn metüü suta a lavurà. La prima Orenburg l'è suravissüda, ma l'a cambiaa ul nòmm e l'è diventada la citaa de Orsk; la segunda l'è stada fundada visin a una culinèta cjamada Krasnogar (culina russa), ma la gh'è minga nada bègn; la terza l'è stada la völta buna, in de l'ann 1743.
Dal 1938 al 1957 la s'è cjamada Chkalov. La citaa l'è stada per un quaj teemp (1920 - 1925) capitaal de la Repüblica Suvietica del Kazakhstan, anca se dopu l'è vegnüda a untra in de la Rüssia.
La sò crescita ecunomica la cumencja in del periut de la segunda guèra mundiaal, quand ul guvernu de Stalin g'a spustaa chì un muntun de stabilimeent ca prima eren a l'òvest, per difendii da l'invasiun nazista.