Mongòzz
Da Wikipedia.
Mongòzz (Monguzzo in Italian) l'è ün cumün de circa 2000 persònn de la Provincia de Còmm. Part del sò teritori cumünàal se troeuva in del "Parch Regiunàal de la Val del Lamber".
[Mudifica] Il Cumün in generàal
Mongòzz se truva sü'na culina ai pè d'ün castel feudàal, che incoeu l'hann in man i fràa di "Fatebenefratelli"; l'è pusibil vardal dedént dumàa la segunda dumenega de setember.
In del paes gh'hinn du gesi: la gesa di Sant Biàas e Sebastiàn (via Chiesa) e'l Santuari de la Madùna de Lourdes (via Santuario), che tücc dùu hinn stàa metüdi a post in di ültim temp.
[Mudifica] I part del Cumün
Se poeu divider il cumün in trè part principai:
- Mongòzz, che, cumè l'è stàa giamò dit, se troeuva sü la culina;
- Nòbil (Nobile in italiàn), che l'è ai pè de la culina, in de la part urientàal del cumün; in di temp indree Nobil l'era cugniusüda in tutta la Brianza per i sò piant di persich, tant che i sò abitant i veniven ciamàa Persegatt;
- Pogg Cavòlt (Poggio Cavolto in italiàn), zona residenziàal che la s'è svilüpada in di ann Setanta e che l'è in de la part meridiunala de la culina, visìn al cunfìn cunt Luràgh.
A Mongòzz gh'hinn anca ün frach de cassini metüdi a post e cunt tücc intur noeuvi casètt; quij pussee impurtant sun i cassini Noeuva, Sulferìn, Bindèla, Enrichèta (ciamada anca el "Cassinùn") e Bassètt.
