Da Wikipedia.
|
Quest articol chì l'è assee ben faa e l'è mia de trà via |
|
Ul Lamber areent a San Culumban.
Ul Lamber (anca Lambar) a l'è un fiümm de la Lumbardìa ucidentaal, aflüeent de manzina del Po; l'è lünch 130 km. Al nass de suravía del Ghisall, dal muunt San Primm, e al percurr tüta la Val Assina passant per Canz e Ass; cumé al vègn fö dii muntagn, al sa trà deent in del Lach de Püsiàn, dopu de che al curr per la Brianza fin a Munza.
Propi a Munza al sa spartiss in dü bruchètt: ul Lamber propi (quèll del Punt dii leun) e ul Lambrètt, ca l'ann faa fà i Viscuunt in del sécul XIV per resun de difesa.
Al sugüta la sò cursa inver süüt, e al passa areent a Milan (quartieer Lambraa); dopu vècch traversaa la pruvincja de Lòot al sa svöja in del Po, 10 km a vall de San Culumban.