Davout
Da Wikipedia.
Luis Davout (1770 - 1823) anca si l'era nòbil l'haa ciapaa part in de la Rivoluzion francesa e a 23 ann l'era giamoo general. L'ha combatuu in Alemania, poeu in Egitt cont el Napuleoon, poeu in Italia. In del 1804 l'è staa faa Maresciall, el pusee giuvin de tucc.
L'era a {{Austerlitz]] quand el Napuleoon l'haa batuu ij austriach e ij Rùss, e in del 1806 l'haa daa proeuva de la soa capacitaa vincend a Auerstadt cont 26.000 omen contra 50.000 prusiàn in de l'istess dì che el Napuleoon el vinceva a Jena.
L'haa comandaa ben a Eylau, a Eckmul, a Ratisbòna e a Wagram.
Durant la Campagna de Rùsia l'haa spingiuu el Bònapart a tacaa i rùss in su i fianch a Borodino ma l'è staa minga ascoltaa. Durant la ritirada l'è staa ancamò minga asultaa quand el diseva de cambiaa el percors per cercaa de approvvigionass. L'haa comandaa la retroguardia e l'haa combatuu a Maloyaroslavets, a Kolotskoi e a Viasma. El Napuleoon el se lamentava che la soa strategia la faseva perd temp perchè la ritirada l'era tropp lenta, e l'haa sostituii cont el Ney.
GH'aveven daa el compit de defend la citaa de Amburg e lù l'haa organizaa ona defesa inscì organizada che l'haa resistii per pusee de on ann, consegnand la citaa solament quand el Re Luis XVIII el gh'haa ordinaa de lassala.
Durant i cent dì el Bònapart el nominava 'Minister de la guèra' ma el lassava a Paris per controlaa possibil tradiment dj monarchich. Se diss che se a Quater Bras e a Waterloo el ghe fudess staa lù i cos a sarissen staa diferenti.
