Córdoba (Argentinn-a)
Da Wikipedia
Córdoba a l'è o capolêugo d'a provinsa d'o mæximo nomme, inta regiôn çentrâ de l'Argentinn-a. Attraversä da-o sciûmme Suquía, a l'è a segônda çittæ ciû popolä d'a nassiôn.
Importante çentro econòmico e côltûâle argentin, e scïto de diversci fæti d'a stöja argentinn-a, a l'è ciammä "La Docta", pe l'antiga e reconosciûa ûniverscitæ da-i tempi coloniâli spagnòlli, dove rïvan ancôn tanti stûdenti da tûtto o Pàize. A sêu popolassiôn a l'è de ciû de 1.267.000 abitanti, d'i quæi 'n 12% sôn stûdenti ûniverscitâi, proporxôn molto ârta a livello mondiâle.
I sêu edifissi da l'època coloniale spagnòlla son viscitæ da môlti tûristi, che scèllian ascì i villagi vexïn, int'o mëzo d'i monti d'o çentro de l'Argentinn-a.
- [http://www.cordoba.gov.ar Mûniçipalitæ d'a çittæ de Córdoba
- Universidad Nacional de Córdoba
- Tûrìximo a Córdoba