Acropoli d'Aten
Da Wikipedia
Indiçe |
[Modificâ] Dati generâli
L'Acropoli d'Aten a pêu èssë cônsciderä a ciû rappresentativa de tûtte quelle d'a Greçia.
A l'è 'na gran prîa ciatta inta pârte sûperiô, che s'ìza 156 metri inscio livello d'o mâ, inta çittæ d'Aten.
Scimbolo d'a çittæ e d'a Greçia antiga, a l'è anchêu vixitä da millioîn de tûristi ogni anno e a l'è stæta diciarä comme patrimònnio de l'ûmanitæ da l'UNESCO.
[Modificâ] Scignificòu
A paròlla Acropoli a vegne d'o greco Aκρος (ærto) e πόλις (çittæ), e scignifica çittæ inte l'ârtûa.
L'acropoli a l'è a pârte ærta de-e çittæ d'a Greçia antiga e de âtre çivilissassioîn, constrûta inscie 'na collinn-a dove gh'ëan ediffiçi emblemmattixi comme tempï o ciasse de riûniôn, scïto de concorensa pe àtti importanti.
[Modificâ] Stòja
Popolä da l'ëa arcàica d'o popolo greco, a l'è stæta sviluppä primma into periodo mixènico e dappêu inte l'ëa clàssica. Dòpo a vittòja contro i Persiæn, s'ha fæto scôlpî 'n'enorme statua d'Atena Promachos. Dûrante l'èppoca d'òro de Pericle, l'Acropoli a l'è stæta riconstrûta, co-a constrûssiôn d'o Partenôn, d'i Propilei e ciû târdi de l'Erechteion e d'o tempio d'Atena Nikè.
[Modificâ] Architettûa
Tra i sêu monûmenti, queli c'han survevixûo scinn-a-a nostra era sôn i seguenti:
- I Propilei, porta monûmentâle pe dove se fa l'inträ a l'Acropoli.
- O Tempio d'Atena Nikè, inscio lòu dritto e frontâle d'i Propilei.
- O Partenôn, tempio d'Atena Partenos (Atena: a vergine).
- L'Erechteion, e e sêu 6 cariatidi.
- Rôvinn-e d'o antigo tiatro de Dionisos, scïto de prezentassiôn de famôze tragèddie clàssiche.
- Immaggini da satellite
- Gîo virtuâle (in ingléize)
- Acrópolis: Viscite virtûâli e fotografîe panoramiche (in ingléize)
- Free 3D Acropolis