Zoer vleisj
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Zoer vleisj ies 'n typisch Limburgs sjtreekgerech, dèks gecombineerd mèt friete. 't Liekent op hachee, meh ies nog get zoerder. Bie de frituur kèns se frietsje zoer vleisj besjtèlle, meh ouch in väöl eetcafé's, snackbars en eethoezer ies diet gerech te kriege.
[bewirk] recept
- 1 kilo runderlappe (of knien in sjtökker)
- 2 groate unne
- 3 a 4 groffelsnegel
- 1 a 2 theelepelkes soeker
- 1 tas azien,
- 1/2 of 1 tas water
- peper
- zout
- 2 of 3 eetlepele appelsjroap
- 1 plak peperkook,
- boter
[bewirk] Bereiding
't Vleisj, eventueel 'n nach gemarineerd in de azien, in dobbelsjteinekes sjnieje en in de boter aanbakke. De in sjtökskes gesjneje unne effe mètfruite. Dan de res van de ingrediënte debie doon, behalve de sjroap en de peperkook. Laot 't in 2 oer gaarsjtove.
Op 't ing de sjroap debie doon en 't eventueel teväöl voch get inkoke. Veur 't opdene kèn nog peperkook debie gedoon weure. Dit bingk 't gehièl nog extra.
