Savanneolifant
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
De Savanneolifant is 'n soort vaan 't geslach Loxodonta, oet de femilie Olifante, dee vreuger mèt de Bosolifant es eine soort gezeen woort: d'n Afrikaansen Olifant. Noe weurt mèt deen term algemein nao dit bies verweze.
De savanneolifant kin wel zeve meter laank en veer meter hoeg weure. Daomèt is heer 't groetse landbies op Eerd. De draagtied bedraag 22 maond. Ze zien, aanders es hun Aziatische neefkes, oongesjik veur domesticatie. Ze kinne mèt infrageluid euver kilometers lang afstande mètein communicere.
Ouch Afrikaanse olifante zien sterk bejaog um hun ivoor. Nao umvangriek reddingsprogramma's in de jaore negeteg zien ze noe minder bedreig en vörme hei en dao alweer 'n plaog.
