Mihai Eminescu
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Mihai Eminescu (officieel Mihail Eminovici) (Botoşani bie Czernowitz, 15 januari 1850 - Boekarest, 15 juni 1889) weurt besjouwd es de belangriekste Roemeense diechter oet de Romantiek. Zien bekèndste werke zint Luceafărul, Mai am un singur dor en de 5 Scrisori.
Eminescu sjtudeerde filosofie in Wene en Berlien. Nao ziene truukkièr nao Roemenië wèrkde hae es bibliotheekdirecteur, leraar Duutsj, sjoalinspecteur en es journalis bie de gezèt Timpul. Vanaaf 1883 góng hae geistelik achteroet es gevolg van Syfilis.
Eminescu waor actief in de literair sociëteit Junimea en waor 'n prominent lid van de Roemeense conservatief partie.
