Littenseradeel

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Ligking vaan de gemeinte Littenseradeel in Friesland

Littenseradeel (officieel Fries: Littenseradiel) is 'n gemeinte in de Nederlandse provincie Friesland, in de Kleistreek, mèt 'n oppervlak vaan 132,60 km² (daovaan 1,86 km² water) en per 1 januari 2007 10.882 inwoeners. Littenseradeel heet neet minder es 29 dörpskerne: Baard, Baijum (Baaium), Beers (Bears), Bozum (Boazum), Britswerd (Britswert), Edens (Iens), Hennaard (Hinnaard), Hidaard, Hijlaard (Hilaard), Huins (Hûns), Itens, Jellum, Jorwerd (Jorwert), Kubaard (Kûbaard), Lions (Leons), Lutkewierum (Lytsewierrum), Mantgum, Oosterend (Easterein), Oosterlittens (Easterlittens), Oosterwierum (Easterwierrum), Roodhuis (Reahûs), Rien, Spannum, Waaxens (Waaksens), Weinum, Welsrijp (Wjelsryp), Wieuwerd (Wiuwert), Winsum en Wommels. De Friese naome (boe die aofwieke stoon ze tösse häökskes) zien officieel. Hoofplaots is Wommels. Daoneve gief 't nog väöl naobersjappe.

Littenseradeel is 'n echte plattelandsgemeinte: Wommels, de groetste kern, heet oongeveer 2000 inwoeners, de kleinste kern, Lions, mer oongeveer 20. Volges 'n oonderzeuk vaan 't Algemeen Dagblad in 2007 waor Littenseradeel de veiligste gemeinte vaan Nederland.

Littenseradeel is in 1984 oontstande oet sameveuging vaan de aw gemeintes Baarderadeel en Hennaderadeel. Al in 1985 woort de officiële naom veranderd nao 't Fries Littenseradiel. In 1991 woorte ouch de plaotsnaome eintaoleg Fries en zien de Nederlandse naome allein nog exonieme.