Lemsterland
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Lemsterland (Fries Lemsterlân, Stellingwerfs Lemsterlaand) is 'n gemeinte in de Nederlandse provincie Friesland, in de Zuidhook, aon 't IJsselmeer, mèt 'n oppervlak vaan 124,38 km2 (daovaan 28,10 km2 water) en per 1 januari 2007 13.437 inwoeners. De gemeinte umvat de kerne Bantega (Bantegea, Bantege), Delfstrahuizen (Dolsterhuzen, Delfstrehuzen), Echten (Ychten, Echten), Echtenerbrug (Ychtenbrêge, Echtenerbrogge), Eesterga/Follega (Jistergea, Follegea; Eesterge, Follege), Lemmer (De Lemmer) en Oosterzee (Eastersee). De Nederlandse naom zien officieel; tösse häökskes stoon nao-ein de Friese en Stellingwerfse naome. 't Boetegebeed vaan Lemsterland waor naomelek vaanaajds Stellingwerfstaoleg, umtot 't door Giethoorners verveend woort en umtot 't tege de Stellingwerve aonligk. Vaandaog d'n daag is 't gebied haos gans Friestaoleg, mèt zeker in Lemmer (de einege plaots vaan beteikenis) väöl Nederlandstaolege.
Bij Lemmer steit 't Ir. Woudagemaal, wat op de Werelderfgoodlies vaan de UNESCO is opgenómme. Bestaonsmiddele in Lemsterland zien veural de landbouw en 't toerisme (watersport).
