Lee Kuan Yew
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Lee Kuan Yew (李光耀, pinyin Lǐ Guāng Yào) (Singapore, 23 januari 1923), Ingelsje naam Harry Lee, plaatselik ouch waal bekènd es Lee Con You, waor de ièrsjte premier van Singapore. Hae bekleide diet amb van 1959 bies 1990.
Ónder Lee Kuan Yew greujde Singapore van e erm derdewaereldland oet tot ein van de meis welvarende leng in de waereld. In 1966 won Lees PAP alle zetels in 't parlement en pas in 1984 lökde 't de oppositie weer um zetels te behole. Lee ies euvertuug anticommunis en leet vanaaf de jaore 70 ederein mèt linkse sympathieë gevange zètte.
In 1990 traoj Lee aaf es premier. Ziene opvolger waor Goh Chok Tong, meh Lee bleef op de achtergrond es senior minister van groate invlood. Ziene zoon Lee Hsien Loong ies saer 12 augustus 2004 premier. Lee ies in zien kabinet Minister Mentor, een functie die sjpeciaal veur häöm gecreëerd woort.