Kerk van Jezus Christus en de Heilige der letste daag
Van Wikipedia
De Kerk van Jezus Christus van de Heilige der letste daag sjteit auch waal bekind es de Mormoonse Kerk (Mormone) en is de groeëtste kerk binne de Mormoonse gemeinsjap (ein vorm van christelijk-restaurationisme). Dees kerk veltj neet onger de katholieke, protestantse of orthodoxe tradisies, en sjteit dao gans los van.
[bewirk] Gesjiedenis
't Mormonisme ontsjtong in 1820 naodet Joseph Smith in ein antjwoard op zien zeuktoch nao de waore kerk een visioen kreeg, waorin d'r God en Jezus Christus zaag. Daonao, in 1823, kreeg d'r bezeuk van 'ne ingel dae de naam Moroni droog. Die vertilde 'm van golje plate waorin de gesjiedenis gegraveerdj woor, van ein volk det vertrok oet 't aaje Jeruzalem zo rond 600 veur Christus, en op 'n gegaeve moment in Zuid-Amerika belandje. Dit verklaorde de aanwezigheid van indiane (of oorsjpronkelijke bewoners van Amerika) op 't Amerikaanse continent, en in de gesjiedenis. Dees historie waerdje door Joseph Smith vertaaldj, en kreeg de naam "'t book van Mormon". 't Is op basis van deze naam det de mormone häöre biejnaam krege.
De Mormoonse kerk waerdje op 6 april 1830 officieel opgerich.
Toen de bevolking in opsjtandj kwoom taege de gemeinsjap, waerdje Smith gevange genaome en op d'n 27ste juni 1844 in de gevangenis in Carthage, Illinois door 't volk gelyncht. D'r ontsjtong 'ne sjtried veur de opvolging tusse Brigham Young en Smith ziene zoon, Joseph. Dit goof aanleiding veur de sjplitsing van de gemeinsjap.
[bewirk] Benaming
Sinds 1836 gebroekdje de Mormone de geopenbaardje naam "De Kerk van Jezus Christus van de heilige der letste daag". In dees benaming gaeve de Mormone duudelijk aan det ziej ein christelijke godsdeenst zin. 't Woord "heilige" sjleit neem op de katholieke beteikenis, mer op 't volgeling zeen van Christus. "Letste Daag" geuftj aan det de Mormone geluive det v'r vandaag in de letste bedeling van de Evangelie laeve, det wiltj zegge det de letste periode waorin 't Evangelie in al zien volheid verkondigdj waerdj. De Mormone neume zich trouwes leever gein Mormone, mer "Heilige der letste daag". Dit om neet de indruk te wekken det Mormon, De samesjteller van 't book van Mormon, op waat veur meneer den auch waerdj aanbeje, of verierdj.
