Johannes (evangelis)
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Sint-Jan of Johannes de evangelis ies de sjriever van 't 4e evangelie. In sómmige hypotheses zou de evangelis dezelfde zin es de apostel Johannes. Dat ies gesjreve rónd 90 nao Christus. Zien attribute besjtoon oet eine adelaer en ein kelk mèt ein umhaog krunkelende sjlang. Johannes zou mèt ein kruusteike 't vergief in eine beker höbbe óntkrach. Hae zou ouch eine van de 12 apostele zin en aan häöm zou de sjtervende Jezus zien mam Maria höbbe toevertroewd.
Ziene fièsdaag vèlt op 27 december.
[bewirk] Veurname
Limburgse veurname, die sjtamme van Johannes zint: (jóngesname) Johan, Jo, Joës, Jan, Zjeng, Sjeng, Jean, Han, Hans.
Maedsjesname: Johanna, Jo, Han(na), Anna, An, Anne, Zjan, Jeanne.
'ne Ander Sint Jan ies Johannes de Duiper, mèt es fièsdaag 24 juni.
