Jacob van Deventer
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Jacob van Deventer waor 'ne cartograaf, dae laefde van ca. 1510/1515-1575. Gebore in Kampen, daonao verhuus nao Deventer en later wir truuk nao Kampe. Hae teikende rónd 't miede van de 16e ièw ongevaer 260 plattegrónde van sjtae (allenei op dezelfde sjaal) in de toenmalige Nederlande, verzameld in ziene 'stedenatlas'.
Zien teikensjtiel ies opvallend en gebeurt in zoageneumde parallelprojectie. De plattegrónd ies meetkundig correct en zónder sjaalverteikening. Biezónder geboewe zin in opsjtand nao de werkelikheid weergegeve. De teikenaer kiek vanoet 't zuud-oaste in 'n soort vogelperspectief. De kaart weurt mèt waterverf ingekleurd en de belangrieke verbingingswaeg zint aangegeve door ingeprikde leukskes op reigelmaotige aafsjtand (meetpunte).
Op nevesjtaonde kaart van Valkeberg ies 't kesjtièl (veuraan) en de verdedigingswerke mèt poorte good te óndersjeije. Rónd 't plaetske löp 'n grach achter 'n sjtadsmoer. Wiejer bevinge ziech 2 watermeules aan de rivier (meuletak) de Geul en links neve de brök mèt ingankspoort sjteit de parochiekèrk mèt toresjpiets.
Van Deventer sjtörf in 1575 in Kölle.
