Hubert van Groenendael
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
J.H.H. (Hubert) van Groenendael (1868, Nunem, noe Hale-1942) is bekind es architek vaan diverse religieus bouwwèrke.
Heer is gebore in 'n femilie vaan architekte en waor 'ne lierling in 't kantoer vaan P.J.H. Cuypers in Remun. Heer waor oonder andere betrokke bij de constructie vaan de Maria Magdalenakèrk in Amsterdam in 1889-1891.
In 1898 verhuisde heer mèt zien femilie nao Vught, boe heer oonder andere de jäög lierde teikene in de teikensjaol. In 1908 verhuisde heer nao Den Bosch en in 1916 kaom heer oeteindelek nao Mestreech.
In zien leve heet heer ruim 30 kèrke gebowd en daoneve versjèllende kloesters, ziekehoezer en sjaole. Later in zien carriere wèrkde heer steeds mier in Neoromaanse stijl, mer de Neogotiek kós heer neet loslaote. Wèrkde heer in Noord-Braobant miestal in bakstein, in Limburg gebruukde heer ouch dèks natuurleke stein.
In zien leve wèrkde heer same mèt ziene zoon H.F.M. van Groenendael (Hubert jr.).
Zien wèrk weurt dèks verwisseld mèt dat vaan zien broor N.J.H. (Jacques) van Groenendael, dee dèks in dezelfde stijl wèrkde.
[bewirk] Werk
'n Deil vaan 't werk vaan van Groenendael in Limburg:
- O.L. Vrouw Hulp der Christenen (Nuienhage)
- St. Johannes de Däöper (Mieëldere)
- St. Theresia (Biesland, Mestreech)
- St. Servatius (Nunem)
- St. Jozef (America)
- St. Lambertus (Hale)
- O.L. Vrouw Onbevlekt Ontvangen (Terwinsele)
- Oetbreijing St. Martinus (Gäöl aan de Maas)
- St. Jozef (Kaalhei)
- St. Antonius van Padua (Nazareth)
- St. Barbara (Griendsveen)
- Oetbreijing St. Mauritius (Sjin op Geul)
- St. Lambertus (Mestreech)
- Oetbreijing St. Martinus (Stein)
- Oetbreijing St. Gertrudis (Wielder)
