GaiaPark
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
't GaiaPark is 'ne zoo in Kèrkraoj dee op 23 april 2005 geopend is. 't Is daomèt d'n ierste zoo in Limburg. 't GaiaPark is 'n dochter vaan de Apeldoornse Apenheul.
De naom is aofgeleid vaan de Gaia-theorie oet de modern biologie, die de ganse Eerd es ein organisme zuut die ummer nui soorte produceert. Biotope speule in dit wereldbeeld 'n hiel veurnaom rol; daoveur is 't park eingedeild in zes "biotope": Limburg, Europa, de toendra, 't Amazonegebeed, Kongo en Namibië. Daoneve zien drei paleontologische aofdeilinge: d'n Iestied, 't Kriet en 't Carboon, woe me 'n paar bieste heet naogebouwd. Dees zien natuurlek vaan kleiner umvaank. D'n opzat is ruim en modern: aon 't welzien vaan de bieste heet me väöl aondach wèlle besteie. 't GaiaPark is daodoor 'n ech park gewore, zoonder spore vaan de awwerwètse tuin-opzat en bekans ouch zoonder kouwe.
In 't GaiaPark leve de volgende bieste, nao klasse en femilie geordend (mèt biotoop tösse häökskes):
- Vèsse: Steur (Toendra)
- Veugel
- Hoonder: Blawkeelgoean (Amazone), Chaco Chachalaca (Amazone), Gierparelhoon (Kongo), Korhoon (Europa), Mechelse Koekoek (Limburg)
- Eendechtege: Landgans (Limburg), Roednekgans (Toendra), Roedsjouwertaling (Amazone)
- Storkechtege: Koojreiger (Amazone), Roze Lepeleer (Amazone), Roej ibis (Amazone)
- Kroenekraanachtege: Europese Kroenekraan (Europa), Griesvleugeltrompötvogel (Amazone), Koufseriema (Amazone), Zonneral (Amazone)
- Valkechtege: Palmgier (Kongo)
- Doefechtege: Europesen torteldoef (Europa), Aajt Hollandse miew (Limburg)
- Uilechtege: Oehoe (Limburg), Snie-uil (Iestied)
- Zaankveugel: Greune oropendola (Amazone), Kouforopendola (Amazone), Raaf (Limburg)
- Zoegdiere
- Aapechtege: Doedskopaap (Amazone), Gouwe liewaap (Amazone), Geelboorskapucijnaap (Amazone), Koufmangabei (Kongo), Westeleke lieglandgorilla (Kongo), Roedboektamarin (Amazone), Witgeziechsaki (Amazone), Witsjouwerkapucijnaap (Amazone), Wolaap (Amazone)
- Knaagdiere: Bever (Iestied), Beverrat (Amazone), Capibara (Amazone), Europese ners (Europa), Gele mangoest (Kongo), Korewolf (Limburg), Roejen eikhoorn (Limburg), Stoksteertsje (Namibië)
- Knienechtege: Vlaomse reus (Limburg)
- Insekte-eters: Wes-Europesen egel (Limburg)
- Carnivore: Afrikaanse wèllen hoond (Namibië), Jachliepeerd (Namibië), Lynx (Europa), Väölvraot (Toendra), Vèsotter (Europa), Wouf (Europa)
- Oonevehovege: Belsj trèkpeerd (Limburg), Damarazebra (Namibië), Poitou-ezel (Europa), Przewalskipeerd (Europa [!]), Tapir (Amazone), Witte neushoorn (o.a. Namibië)
- Evehovege: Bochara-hert (Europa), Bongo (Kongo), Dwergnielpeerd (Kongo), Groete koedoe (Namibië), Halsbandpeccari (Amazone), Hereford-kooj (Limburg), Hollandse landgeit (Limburg), Kwasverke (Kongo), Mèrgellandsjaop (Limburg), Muskusos (Toendra), Oeros (Europa), Piétrain-verke (Limburg), Rendeer (Toendra), Rothschildzjiraf (Namibië), Springbok (Namibië), Wèld verke (Europa)
- Klipdasse: Rotsklipdas (Namibië)
[bewirk] Externe link
Commons: GaiaPark Kerkrade Zoo – Media gerelateerd aan dit óngerwerp |
- GaiaPark.nl, mèt 'n besjrieving vaan 't park en praktische informatie
- Pleetsjes