Frans Timmermans (politicus)
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Franciscus Cornelis Gerardus Maria (Frans) Timmermans (Mestreech, 6 mei, 1961) is 'ne Nederlands-Limburgse politicus veur de PvdA. Heer zit sins 19 mei 1998 in de Twiede Kamer. In 't kabinet-Balkenende IV is 'r geïnstalleerd es staotssecretair veur Europese Zake en heer maak, es einige staotssecretair, deil oet vaan de wekelijkse Ministerraod. In 't boeteland is Timmermans de Nederlandse minister van Europese Zake. Timmermans maak al einige jaore deil oet vaan de Nederlandse delegatie van de Raod van Europa en pleit sins einige tied veur 'n depolitisering van 't ambt vaan de veurzitter.
E deil vaan zien jäög brach heer in 't boeteland door, oonder mie in Brussel, Paries en Rome, boe heer ouch nao 'n internationaol sjaol góng. Heer maakde zien middelbaar sjaol aof aon 't Bernardinus Colleesj in Heerle en góng daonao vaan 1980 tot 1985 in Nijmege Frans studere. 't Leste jaor vaan zien studie brach heer aon de universiteit vaan Nancy door, boe heer ouch Europees Rech deeg. Nao e jaor deenspliech en e jaor diplomatesjaol vervölde heer versjèllende diplomatieke functies, oonder mie op de Nederlandse ambassaad in Moskou en es adviseur veur minderhede vaan Max van der Stoel, hoege commissair bij de OVSE. In 1998 woort heer in de Twiede Kamer gekoze. Bij alle verkezinge die daonao kaome (2002, 2003 en 2006) woort 'r herkoze. In 't parlemint hèlt 'r ziech veural bezeg mèt Europa en defensie en waor 'r vice-veurzitter vaan de vaste commissie veur Boetelandse Zake.
Timmermans woent in Heerle. Op 13 februari 2007 woort bekind wie de PvdA häöm veurdroog es staotssecretair.
