Elsene

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.

---

Elsene (Frans: Ixelles) ies 'n gemeinte in 't Brussels Hoofsjtaejelik Gewes. De gemeinte haet 'n oppervlak van 6,34 km² en 77.729 inweunersj (1 januari 2005). Elsene liek in 't zuudoaste van Brussel en besjteit oet twiè deile; 't weurt in twièje gedeild door de Louizalaan, die bie de gemeinte Brussel huèrt.

Inhawd 1 Functies 2 Sjtadsbeeld en bezeenswaerdighede 3 Historie 4 Gebore in Elsene 5 Externe link

[bewirk] Functies

Elsene functioneert veural es woongemeinte. Dao ies 'n groate Kongolese gemeinsjap, die ziech gevestig haet in de wiek Matonge (sóms ouch waal "Klein Zaïre" geneump). Op 't gróndgebied van Elsene liek de belangriekste campus van de Vrije Universiteit Brussel en de Campus de la Plaine van de Université Libre de Bruxelles. In de geboewe van de veurmalige Abdij Ter Kameren zint 't Nationaal Geografisch Instituut en de Nationaal Hoagesjoal veur Beeldende Kunste gevestig. In Elsene liegke drie treinsjtasies, woavan de belangriekste, de sjtasie Brussel-Luxemburg (vreuger "Leopoldswijk"), kort bie de Europese insjtèllinge liek.

[bewirk] Sjtadsbeeld en bezeenswaerdighede

Elsene haet väöl woonhoezer oet 't ing van de 19e en 't begin van de 20e ièw, die veur de burgerie geboewd zint. D'r liegke hoezer in versjillende sjtiele oet daen tied, bieveurbeeld eclectisme, Jugendstil, art déco en de Vlaamse neorenaissance, ónder andere in de umgeving van de bekènde vieversj van Elsene.

De veurmalige Abdij Ter Kameren ies rónd 1200 door cisterciënzersj gesjtiech en haet 'n 14e- en 15e-ièwse kèrk. 't Flageygeboew hoesvesde vreuger de radio-umroop en ies geboewd in art déco-sjtiel. 't Gemeintelik Museum van Elsene haet 'n collectie Belzje en Franse sjilderkuns oet de 19e en 20e ièw.

[bewirk] Historie

De gemeinte Elsene ies in 1795 óntsjtange, wie Opper- en Neder-Elsene mèt Boendaal woorte samegevoog.

[bewirk] Gebore in Elsene

• Jaco van Dormael, filmregisseur
• Marc Dutroux, crimineel
• Audrey Hepburn, actrice

[bewirk] Externe link

• Officieel website van de gemeinte

Brussels Hoofsjtaejelik Gewes
Anderlech | Brussel-Sjtad | Elsene | Etterbeek | Evere | Ganshoren | Jette | Koekelberg | Oudergem | Schaarbeek | Sint-Agatha-Berchem | Sint-Gillis | Sint-Jans-Molenbeek | Sint-Joost-ten-Node | Sint-Lambrechts-Woluwe | Sint-Pieters-Woluwe | Ukkel | Vorst | Watermaal-Bosvoorde