Peter Benenson
Vu Wikipedia, der fräier Enzyklopedie.
De Peter Benenson, gebuer den 31. Juli 1921 a gestuerwen den 25. Februar 2005 zu Oxford) war e briteschen Affekot a Politiker vun der Labour Partei. Et war hien, deen 1961 Amnesty International gegrënnt hat.
1961 huet de Benenson vun zwee portugisesche Studente gelies, déi zu Lissabon verhaft, an zu siwe Joer Prisong veruerteelt si ginn. Si haten e Patt op d’Fräiheet gedronk. Dat war an der Regieruingszäit vum Diktator António de Oliveira Salazar duergaang, fir virun e geriicht ze kommen.
Den 28. Mee 1961 huet déi d'britesch Zeitung 'The Observer en Artikel mam Titel ‚’Déi vergiesse Gefangener’’ iwwer dee Fall an anerer vum Benenson erausbruecht an deem hien d’Lieser dozou oprifft , sech anzesetze fir déi politesch Gefangerner an der ganzer Welt, déi nëmme wéinst hirer Hautfaarf, hire reliéisen oder politesche Iddien agespart, veruerteelt , gefoltert an higeriicht ginn. Hien hat sech virgestallt, d’Leit sollten deene jeeweilege Regierungen Bréiwer schreiwen, an domat moraleschen Drock op déi maachen, déi mengen si kéinten, vun der Weltëffentlechkeet onbemierkt, d' Mënscherechter mat Féiss trëppelen.
De Benenson säin Artikel gouf vu villen europäeschen Zeitungen wéi Le monde, déi italienesch Corriere della sera an d’ International Herald Tribune publizéiert.
Dës Aktioun, spéider „Appeal for Amnesty, 1961“ genannt, war d' Gebuertsstonn vun Amnesty International.
De Peter Benenson ass de 25. Februar 2005 an de spéiden Owesstonnen am John Radcliffe Hospital zu Oxford gestuerwen.
