Liechtenstein

Vu Wikipedia, der fräier Enzyklopedie.

Dëse Geographiesartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

Fürstentum Liechtenstein


Detailer	Detailer

National Devise: Für Gott, Fürst und Vaterland

Offiziell Sprooch:

Däitsch

Haaptstad:

Vaduz

Staatsform:

Konstitutionell Monarchie

• Fürst:

Hans Adam II.

• Premierminister:

Otmar Hasler

Fläch:

160,475 ^[1] km²

Bevëlkerung:

35 174 ^[2]

Onofhängegkeet:

1806

Nationalfeierdag:

15. August

Nationalhymn:

Oben am jungen Rhein
(Lauschteren)

Währung:

Schwäizer Frang

Zäitzon:

UTC +1

Internet TLD:

.li

International Virwahl:

+423

D'Fürstentum Liechtenstein ass e butzegen europäesche Staat an der Alperegioun, agekäilt tëscht der Schwäiz an Éisträich.

Liechtenstein ass eng konstitutionell Ierfmonarchie op demokratesch-parlamentarescher Basis. Zënter 1923 ass d'Fürstentum an Zoll- a Währungsunioun mat der Schwäiz. Liechtenstein ass Member an der EFTA, huet awer, anescht wéi d'Schwäiz, zousätzlech nach den Accord iwwert den Espace Économique Européen ënnerschriwwen a kënn dowéinst och vun engem direkten Zougank op den europäesche Marché profitéieren.

[Änneren] Geographie

NASA-Satelittefoto vu Liechtenstein

Liechtenstein huet eng Fläch vu ronn 160 Quadratkilometer ^[1] an am Ganze 77,9 km Staatsgrenz. No Westen a Süde grenzt d'Land un d'Schwäiz (Kantone St. Gallen a Graubünden), no Osten an Norden un Éisträich (Bundesland Vorarlberg).

Laanscht d'Westgrenz mat der Schwäiz leeft de Rhäin (Oberrhein). De Rhäindall hëlt bal d'Halschent vum Territoire an, an ass dann och déi Géigend déi landwirtschaftlech ze gebrauchen ass an an deeër déi meescht Leit wunnen. Sand, Torf, Leem an äerde Buedem ginn am Rhäindall aneneen iwwer.

De Rescht vum Land ass geologesch an topographesch vu Gestengs a Bierger dominéiert. D'Ausleefer vum Rätikon, engem Deel vun den Ostalpen, zéie sech vum Süde bis an de Nordosten. Héchste Punkt ass mat mat 2 599 Meter de Bierg Grauspitz, ganz am Süde vum Land geleeën. D'Ruggeller Riet -am Norde vum Fürstentum- ass den déifste Punkt a läit op enger Héicht vu 430 Meter.

[Änneren] Kultur

Den Nationalfeierdag vu Liechtenstein ass de 15. August, op Mariä Himmelfahrt. Gefeiert gëtt de Gebuertsdag vum fréiere Monarch Fürst Franz Josef II. (1906–1989), deem säin Dag usech zwar de 16. August ass, mee awer schonn zënter 1940 mam chrëschtleche Feierdag zesummegeluecht gëtt. Den Dag ass och nom Doud vum Fürst bäigehale ginn.

[Änneren] Notizen a Referenzen

↑ ^1,0 ^1,1 Nodeems d'Grenzen 2006 nei vermoosst gi sinn, gouf gewisen, datt Liechtenstein vun der Fläch hier eng 50 Foussballterraine méi grouss ass wéi laang Zäit geduecht.
Sourcen: Focus Online an msnbc (August 2007)
↑ Stand: 31. Dezember 2006,
Source: Statistische Information, Landesverwaltung Liechtenstein