Joschka Fischer

Vu Wikipedia, der fräier Enzyklopedie.

De Joschka Fischer am Dezember 2007

De Joseph Martin ("Joschka") Fischer, gebuer den 12. Abrëll 1948 zu Gerabronn, deemools Landkreis Crailsheim, ass e fréieren däitsche Politiker (Bündnis 90/Die Grünen). Hie war vun 1998 bis 2005 däitschen Aussenminister a Vizekanzler. No de Bundestagswale vun 2005 huet hie sech aus der Politik zeréckgezunn.

De Joschka Fischer huet sech 1967 als Student an der Studentenbeweegung engagéiert an ass 1968 op Frankfurt am Main geplënnert. Do huet hie sech déi Joeren drop mat Geleeënheetsjoben duerchgeschloen a war och alt bei Kläppereie mat der Police derbäi.

1982 ass en der Partei Die Grünen bäigetrueden, wou e „realpolitesch“ genannte Positioune formuléiert a vertrueden huet. 1983 gouf e fir d'éischt als Deputéierten an de Bundestag gewielt a gouf Fraktiounssekretär vun deene Gréngen. 1985 huet e säi Sëtz, wéinst parteiinterner Rotatioun, missen tauschen.

1985 bis 1987 war de Joschka Fischer an Hessen Staatsminister fir Ëmwelt an Energie an der Landesregierung. Bekannt ass d'Bild, wou e vereedegt gouf, wou en Turnschlappen zu engem Paltong unhat. 1987 bis 1991 war en Deputéierten am Hessesche Landesparlament ("Landtag"), dono gouf en do nees, wéi erëm eng rout-gréng Regierung un d'Muecht koum, Ëmweltminister an och Vize-Ministerpresident a Staatsminister fir Bundesaffairen.

Am Oktober 1994 huet en op seng Ämter an Hessen verzicht an ass erëm an de Bundestag gaangen, wou en ee vun de Porte-parolë vun der Gréngen-Fraktoun gouf.

No de Bundestagswalen 1998 koum eng Koalitioun tëscht SPD a Gréngen, de Gerhard Schröder gouf Bundeskanzler an huet de 27. Oktober 1998 de Fischer zum Vizekanzler an Ausseminister ernannt. Als Ausseminister huet hie sech 1999 dofir agesat dass d'Bundeswehr sollt am Kosovo agräifen - hiren éischten Asaz baussent Däitschland zënter hirem Bestoen, wat him parteiintern vill Kritik abruecht huet.

Bei de Walen 2002 kunnten déi Gréng, net zulescht wéinst senger Popularitéit, hiert Resultat verbesseren, an d'Koalitioun ass virugefouert ginn. No der Wal vun 2005 huet de Joschka Fischer dunn op seng héich Parteiämter opginn (déi Gréng waren net méi an der Regierungskoalitioun derbäi) an den 1. September 2006 och säin Deputéiertemandat verzicht. Hie gouf fir ee Joer Gaaschtprofesser op der Princeton Universitéit.

De Joschka Fischer, fir d'fënneft bestuet, schreift Bicher an hält Virtreeg.

Inhaltsverzeechnis

1 Wierker
2 Literatur iwwert de Fischer
- 2.1 Kuckt och
- 2.2 Um Spaweck

[Änneren] Wierker

Die rot-grünen Jahre. Deutsche Außenpolitik - vom Kosovo bis zum 11. September. Kiepenheuer & Witsch, Köln 2007, ISBN 3-462-03771-4
Die Rückkehr der Geschichte. Die Welt nach dem 11. September und die Erneuerung des Westens. Kiepenheuer & Witsch, Köln 2005, ISBN 3-462-03035-3
Mein langer Lauf zu mir selbst. Knaur, München 2003, ISBN 3-426-62208-4
Die Weisheit der Mitte. Deutschland, Nationalstaat und europäische Integration. Kiepenheuer & Witsch, Köln 2002, ISBN 3-462-03035-3
Vom Staatenbund zur Föderation. Gedanken über die Finalität der europäischen Integration. Suhrkamp, Frankfurt a. M. 2000, ISBN 3-518-06614-5
Die globale Revolution. Wohlstandsverlust und Solidarität. 1996.
Risiko Deutschland. Krise und Zukunft der deutschen Politik. Knaur, München 1995, ISBN 3-426-80075-6
Der Umbau der Industriegesellschaft. Plädoyer wider die herrschende Umweltlüge. Goldmann, München 1993, ISBN 3-442-12434-4
Die Linke nach dem Sozialismus. Hoffmann & Campe, Hamburg 1993, ISBN 3-455-10309-X
Für einen neuen Gesellschaftsvertrag. Politische Antwort auf die globale Revolution. Droemer Knaur, München 2000, ISBN 3-426-77436-4
Mehrheitsfähig. Plädoyer für eine neue Politik. Eichborn, Frankfurt a. M. 1989, ISBN 3-821-80414-9
Rechtsstaat und ziviler Ungehorsam. Ein Streitgespräch mit Daniel Cohn-Bendit und Alexander Gauland. 1988, ISBN 3-61004709-7
Regieren geht über Studieren. Ein politisches Tagebuch. Athenäum-Verlag, Frankfurt a. M. 1987, ISBN 3-610-08443-X
Der Ausstieg aus der Atomenergie ist machbar. Rowohlt, Reinbek 1987, ISBN 3-499-15923-6
Von grüner Kraft und Herrlichkeit. Rowohlt, Reinbek 1984, ISBN 3-499-15532-X
Und Tischbein hatte doch recht. 1984, ISBN 3-927-13303-5

[Änneren] Literatur iwwert de Fischer

Michael Schwelien: Joschka Fischer. Eine Karriere. Hoffmann & Campe, Hamburg 2000, ISBN 3-455-11330-3
Matthias Geis, Bernd Ulrich: Der Unvollendete. Das Leben des Joschka Fischer. Aktualisierte Neuauflage. Rowohlt-Taschenbuch-Verlag, Reinbek 2004, ISBN 3-499-61623-8
Autonome L.U.P.U.S.-Gruppe (Hrsg.): Die Hunde bellen ... Von A–RZ. Eine Zeitreise durch die 68er Revolte und die militanten Kämpfe der 70er bis 90er Jahre. 1. Auflage. Unrast Verlag, Münster 2001, ISBN 3-89771-408-6
Christian Schmidt: „Wir sind die Wahnsinnigen ...“ Joschka Fischer und seine Frankfurter Gang. Econ-und-List-Taschenbuch-Verlag, München 1999, ISBN 3-61226-628-4
Paul Berman: Power and the Idealists Or, The Passion of Joschka Fischer, and Its Aftermath Soft Skull Press, New York 2005, ISBN 1-9323-6091-3.
Jürgen Schreiber: Meine Jahre mit Joschka. Nachrichten von fetten und mageren Zeiten, 2007 ISBN 3430300339