Jacques Cartier
Vu Wikipedia, der fräier Enzyklopedie.
De Jacques Cartier, gebuer 1491 zu Saint-Malo a och do gestuerwen den 1. September 1557, war e franséischen Entdecker a Kolonisator.
Mat sengen Entdeckunsfahrten am spéidere Kanada an éischte Siidlungsversich gëlt de Jacques Cartier als Grënner vum franséische Kolonialräich a Nordamerika.
Op der Sich no engem nordwestleche Séiwee an Asien huet hien 1534 d'Insel Neifundland entdeckt sie zum Besëtz vu Frankräich erklärt. Hien huet d'Küst vu Labrador erfuerscht an ass op senger zweeter Rees de Sankt-Lorenz-Stroum erop gefuer wëll hie gehofft huet een Aarm vu Mier fonnt ze hunn, deen eng Duerchfahrt no Westen an de Pazifik erlabe géif. Ausserdem hun d'Erzielunge vu gefaangenen Indianer hie gleewe gedo, datt hien um Wee an e Land wier, wou ët vill Gold géif ginn.
De Jacques Cartier ass nëmme bis bei déi gudd verdeedegt Irokesen-Uertschaft Hochelaga komm an hien huet an der Géigend vum haitege Montréal säi Wanterlager opgeschloen. De Skorbut huet seng Mannschaft staark dezimééiert an esou ass hien 1536 a Frankräich zréckkom wou hien d'Noriicht vun der Existenz vun de groussen amerikanische Séie verbreet huet.
Op senger drëtter a lëschter Fahrt (1541) huet hie franséisch Siidler mat an d'Gebitt vum Sankt-Lorenz-Stroum geholl, den hie schonn 1536 mat de benopeschte Gebidder fir d'franséisch Kroun a Besëtz geholl hat. Dës éischt Kolonialistatioun vun deeër Géigend huet net laang gedauert.
