J2000.0
Vu Wikipedia, der fräier Enzyklopedie.
Mat J2000.0 gëtt déi aktuell gëlteg Standard-Epoch vun der Astronomie bezeechent, op déi sech all Himmelskoordinate vu Stären an déi meeschten aner Himmelkierper bezéien.
D’Definitioun vun "Epochen" ass noutwenneg, well sech d’Bezuchssystem vun den Himmelskoordinaten duerch d’Präzessioun an aner Effeten lues dréit. De Fréijorspunkt (Urspronk vun der RA-Koordinatenzielung) verréckelt sech doduerch ëm ronn 50" all Joer.
Mat dem Iwwergank vum Präzisiouns-Stärekatalog FK4 op den FK5, wann een interferometresch Miessungen zu extragalaktesche Radioquellen (VLBI) mat abezitt, ass et méiglech ginn, dës Verännerungen méi genee wéi 0,01" ze definéieren.
Bis 1990 war déi allgemeng gebrauchte Standardepoch den Zäitpunkt 1950.0 – op him hu sech zënter 1930 all Stärekataloge, déi meeschten Bunnelementer an aner verännerlech Date bezunn. Virdru waren ë.a. d’Epochen 1920, 1900 an 1875 am Gebrauch.
J2000.0 entsprécht dem Festleeë vum Fundamentalsystem op den 1. Januar 2000 um (ongeféier) 12:00 UTC (Julianeschen Datum 2.451.545,0). De J weist un, datt et sech ëm eng julianesch Epoch handelt, wéi se zënter 1984 ugewennt gëtt - am Géigesaz zu B1950.0, déi no der zënter 1800 gebräichlechen Theorie no der Bessel-Epoche definéiert war.
